१ पतरुस 1:20 - मध्‍य पुरविया थारू

²⁰ परमेस्‍वर सन्‍सारके सिरिस्‍टी करैसे पैहनिए ओकरा चुन्‍ने रहै महज तोरासबके भलाइके खातिर अन्‍तिम समयमे उ परगट भेलै।

१ पतरुस 1:20 Referans Kwoze

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

हिबरु 9:26

यदि एहैन हेतियै त सन्‍सारके सिरिस्‍टीके सुरुवातेसे ओकरा बारमबार दुख भोगैले परतियै। महज अइ जुगके अन्‍तमे उ सबदिनके लेल एकेबेर परगट भेलै आ पाप हटाबैले आपने बलिदान भेलै।

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।

कलस्‍सी 1:26

यि बात जुगो-जुग आ पुस्‍तो-पुस्‍ताके लोकसब बुझैले नै सकल छेलै महज आब उ खिरिस्‍टके पबितर जनसबके परकट कैरदेनेछै।

एफिसी 3:11

परमेस्‍वर यि बात आपन अनन्‍त योजनाके अनुसार अपनासबके परभु येसु खिरिस्‍टमे पुरा करल्‍कै।

एफिसी 3:9

सब चिजके सिरिस्‍टी करैबला परमेस्‍वरमे जुगो-जुगतक घोसाइरके राखल रहसके योजना कि चियै, से बात सबलोकके खुलस्‍त रुपमे बताइबला काम हमरा देने छै।

गलाती 4:4

महज परमेस्‍वरके देल समय पुरा भेलाके बाद आपन बेटाके पठाइल्‍कै। उ जनिके कोखसे जलमलै आ बेबस्‍थाके अधिनमे जलमल छेलै।

१ युहन्‍ना 1:2

जब जिबन दैबला परगट भेलै, तब हमसब ओकरा देखलियै आ हमसब वह्‍या अनन्‍त जिबनके बिसयमे साक्‍छी दैचियौ आ तोरासबके कहैचियौ, जे पिता सङे छेलै वह्‍या अपनासबके लग परगट भेलै।

एफिसी 1:10

समयमे पुरा भेलाके बाद स्‍वरग आ पिरथिबीमे सिरिस्‍टी भेल्‍हा सब चिज खिरिस्‍टके अधिनमे आबे।

रोमी 3:25

परमेस्‍वर येसु खिरिस्‍टके अपनासबके पापके दन्‍डसे छुटकरा दैकेलेल बलिके रुपमे अइ सन्‍सारमे पठेल्‍कै। अपनासबके लेल येसु खिरिस्‍ट आपन लहु बहेल्‍कै कैहके बिस्‍बास करैबला लोकसब धरमी ठहरैछै। यि काम परमेस्‍वर आपन धारमिकता देखाबैके लेल करल्‍कै, कथिलेत उ आपनसबके पहिने करल पापके धियान नै देल्‍कै, कारन उ बहुत धिरजी छै।

१ युहन्‍ना 3:8

फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

१ युहन्‍ना 3:5

तुसब जानैचिही कि लोकसबके पाप दुर करैले खिरिस्‍ट परगट भेलै आ ओकरमे कोनो पाप नै छै।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।