१ पतरुस 1:18 - मध्‍य पुरविया थारू

¹⁸ तुसब जानैचिही कि परमेस्‍वर तोरासबके पिता-पुरखासे चलैत एल बेरथके चालचलनसे दाम तिरके तोरासबके छुटकरा देल्‍कौ। उ दाम सोना या चानी जखा नास हैबला चिज नै चियै।

१ पतरुस 1:18 Referans Kwoze

१ कोरन्‍थी 6:20

कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

१ कोरन्‍थी 7:23

परमेस्‍वर तोरासबके मोल तिरके किन्‍नेछौ, तैखातिर लोकसबके दास नै बन।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

रोमी 1:21

कथिलेत उसब परमेस्‍वरके चिन्‍हीयोके ओकरा आदर नै करल्‍कै, नै त धन्‍यबाद देल्‍कै, महज उसब आपन बिचारमे बेकम्‍मा भेलै आ ओइसबके मुरुख हिरदय औरो अन्‍हारसे भरलै।

१ पतरुस 4:3

तुसब बितलहा दिनसबमे गैर-यहुदी जखा निरलज बेबहार करनाइ, बेबिचारमे लिन, खराब अभिलासामे लगनाइ, पिके मातल, मोज-मज्‍जा करैबला आ घिरनित मुरतिपुजामे परसस्‍त समय बिताइलिही।

१ पतरुस 1:7

नास हैबला सोनाके आइगमे खाइरके सुध करल जखा तोरासबके बिस्‍बास ओहौसे मुल्‍यबान छौ। अहै खातिर तोरासबके बिस्‍बास सच ठहरे आ येसु खिरिस्‍ट परगट हैबला दिनमे परसन्‍सा, महिमा आ आदरके योग्‍य बने।

१ कोरन्‍थी 3:20

आ फेर दोसर ठाममे एहेन लिखल छै, “बुधिमानसबके बिचार बेरथके छै कैहके परमपरभु जानैछै।”

हिबरु 9:12

खिरिस्‍ट सिधा महापबितर ठाममे सबदिनके लेल एकेबेर ढुकलै। उ छागर आ बछासबके चरहाल बलीके लहु ल्‍याके नै ढुकलै, महज आपने लहु ल्‍याके ढुकलै आ अपनासबके सबदिन रहैबला मुक्‍ती देल्‍कै।

१ युहन्‍ना 3:5

तुसब जानैचिही कि लोकसबके पाप दुर करैले खिरिस्‍ट परगट भेलै आ ओकरमे कोनो पाप नै छै।

मरकुस 8:37

या लोक आपन परानके बदला कथी दैले सक्‍तै?