१ पतरुस 1:13 - मध्‍य पुरविया थारू

¹³ अहै खातिर तोरासबके आपन मन तैयार राख, आत्‍म संयमी बन आ येसु खिरिस्‍ट आबै बखत तुसब पाबैबला अनुगरहमे पुरा आसा राख।

१ पतरुस 1:13 Referans Kwoze

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

लुका 12:35

तुसब आपन डाँर सकत कर आ डिबिया बैरते रहेदहै।

१ पतरुस 4:7

सब चिजके अन्‍त हैके समय चैल एलछै। ओहैसे तुसब आपन मनके सुध आ आपनेके बसमे राख ताकी तुसब असलसे परथना करे सक।

१ पतरुस 3:15

बरु खिरिस्‍टके परभु माइनके आपन हिरदयमे सरदा कर। तोरासबमे भेल आसाके बिसयमे कोइ पुछताछ करैछौ त जबाफ दैले हर समय तयार रह।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

एफिसी 6:14

अहै कारन आब तैयार भ्‍याके ठारभेल रह। सतके डरकसना डारहमे बाइन्‍हके राख, छाति बचाइबला धारमिकताके कबज लगा।

१ कोरन्‍थी 1:7

अपनासबके परभु येसु खिरिस्‍ट फेनसे एतै कैहके बाट ताकैतखिना तोरासबमे कोनो आत्‍मिक बरदानके कमी नै हेतौ।

लुका 17:30

मानबके बेटा परगट हैबला दिनमे ऐहनङे हेतौ।

हिबरु 10:35

अहैलेल तुसब आपन यि भरोसा नै तियाग। तोरासबके अकर बरका इनाम मिल्‍तौ।

हिबरु 6:19

जनङ एकटा लङगर जहाजके अस्‍थिर राखैछै तहिनङ यि आसा अपनासबके सुरक्‍छीत आ अस्‍थिर राखैछै। उ आसा येसु चियै। उहे अपनासबके स्‍वरगिय मन्‍दिरके परदा भितर महापबितर ठाममे गेलै।

हिबरु 3:6

महज खिरिस्‍ट त घरके अधिकार पाबल बिस्‍बासयोग्‍य बेटा भ्‍याके सेबा करल्‍कै। यदि हमसब आपन आसामे अन्‍तिमतक भरोसा आ गर्‌भ कैरते रहबै त अपनोसब परमेस्‍वरके घरके सदस हेबै।

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

१ कोरन्‍थी 13:13

आब बिस्‍बास, आसा आ परेम यि तिन बात रहैछै, महज ओइमेसे सबसे बरका परेम चियै।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

२ थेसलोनिकी 1:7

परमेस्‍वरमे दुख सहैबला तोरासबके आ हमरासबके छुटकारा देतौ। यि त तब हेतै, जब परभु येसु स्‍वरगसे धधकैत आइगमे आपन सक्‍तीसाली स्‍वरगदुतसबसङे परगट हेतै तब यि सब करतै।

लुका 17:8

नै, बरु उ त ओकरा कहतै, ‘हमर लेल खाना तैयार कर, डाँर कस आ जाबेतक हमरा ख्‍याल-पियल नै हेतौ ताबेतक हमर सेबा टहल कर। तकरबाद तु खाइहे।’

रोमी 8:19

परमेस्‍वर आपन बेटा-बेटीसबके परकट करैबला दिनके सारा सिरिस्‍टी भारी उतसुकताके साथ असियालछै।

कलस्‍सी 3:4

तोरासबके साँचोके जिबन त खिरिस्‍टे चियौ। जखैन उ परगट हेतौ तखैन तुसब ओकरे महिमामे परगट हेब्‍ही।

१ पतरुस 1:10

तोरासबके मिलल यि मुक्‍तीके बारेमे अगमबक्‍तासब बहौत निकसे खोज-तलास करने रहौ। परमेस्‍वर तोरासबके दैबला अनुगरहके बारेमे पहिनेसे अगमबानी करने छेलौ।

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।

मतीके लिखल सुसमाचार 20:4

तब उ ओइसबके कहल्‍कै, ‘तुसब हमर अङगुर बारीमे काम करैले जो, जे उचित हेतै से हम तोरासबके देबौ।’