१ पतरुस 1:10 - मध्‍य पुरविया थारू

¹⁰ तोरासबके मिलल यि मुक्‍तीके बारेमे अगमबक्‍तासब बहौत निकसे खोज-तलास करने रहौ। परमेस्‍वर तोरासबके दैबला अनुगरहके बारेमे पहिनेसे अगमबानी करने छेलौ।

१ पतरुस 1:10 Referans Kwoze

मतीके लिखल सुसमाचार 13:17

हम तोरासबके साँचोके कहैचियौ, तोरासबके देखलहा आ सुनलहा बातसब बहुतो अगमबक्‍ता आ धरमी लोकसब देखैके आ सुनैके इक्‍छा करने छेलै। महज उसब देखैयोले आ सुनैयोले नै पाबल्‍कै।

लुका 10:24

कथिलेत हम तोरासबके कहैचियौ, बहुत अगमबक्‍ता आ रजासब तोरासबके देखलहा यि बातसब देखैले आ सुनैले इक्‍छा करने छेलै, महज नै पाबल्‍कै।”

परेरित 7:52

कि अगमबक्‍तासब मेसे ककरा नै तोरौरके पिता-पुरखासब सतेल्‍कौ? परमेस्‍वरके पबितर धारमिक सेबकके आबैसे पैहने भबिसबानी करैबलासबके खुन कैर देल्‍कौ आ तुसब ओहै धरमी सेबकसबके पकराके ओकरा खुन कैर देल्‍ही।

युहन्‍ना 5:39

तुसब यि सोइचके धरमसास्‍तर निकसे परहैचिही कि, ओइमे अनन्‍त जिबन छै, महज एह्‍या धरमसास्‍तर हमर बारेमे गबाही दैछै।

हिबरु 11:13

उ सबलोक परमेस्‍वरके परतिग्‍या करल बात नै पाइबके बिस्‍बासेमे मरलै। उसब परमेस्‍वरके परतिग्‍या करल बात दुरेसे देखल्‍कै आ स्‍वागत करल्‍कै, तब उसब अइ पिरथिबीमे आपनेके परदेसी आ परबासी चियै कैहके ठानल्‍कै।

परेरित 10:43

सब अगमबक्‍तासब येसुके बारेमे गबाही देनेछै, जे कोइ ओकर उपर बिस्‍बास करतै ओइसबके पाप ओकर नाममे छमा हेतै।”

युहन्‍ना 7:52

तब उसब ओकरा जबाफ देल्‍कै, “कि तुहु गालिली चिही? पबितर धरमसास्‍तरमे खोज आ तोरा थाह हेतौ कि, गालिलसे कोनो अगमबक्‍ता नै एतै।”

लुका 24:44

आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”

मतीके लिखल सुसमाचार 26:24

मानबके बेटाके समबन्‍धमे जे धरमसास्‍तरमे लिखल छै, तहिने ओकरा जाही परतै, महज धिक्‍कार छै ओइ लोकके जे मानबके बेटाके पकराइतै। उ लोक जलम नै लेने रहतियै त ओकरलेल असल हेतियै।

१ पतरुस 1:11

ओकरासबके भितरमे रहल खिरिस्‍टके आत्‍मा खिरिस्‍टके दुख भोगेपरतै आ पछा आबैबला महिमाके बारेमे पहिनेसे भबिसबानी करने रहै। तब उ समय कहिया आ कनङके एतै कैहके उसब खोज-तलास करने छेलै।

परेरित 17:11

ओतेका लोकसब थेसलोनिकेके लोकसबसे खुला बिचारके लोकसब रहै। उसब परमेस्‍वरके सुसमाचार एकदम धियान द्‍याके सुनै। पावलके कहलहा बातसब मिलैछै कि नै मिलैछै कैहके उसब हरेक दिन धरमसास्‍तर पढ़है आ जाँचै।

हिबरु 11:40

कथिलेत परमेस्‍वर अपनासबके लेल अहौसे उतम चिजके योजना करने छेलै। अपनासबसङे उसब सेहो सि‍द्‍व हेबे कैहके ओकर इक्‍छा छेलै।

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

१ पतरुस 1:13

अहै खातिर तोरासबके आपन मन तैयार राख, आत्‍म संयमी बन आ येसु खिरिस्‍ट आबै बखत तुसब पाबैबला अनुगरहमे पुरा आसा राख।