१ पतरुस 1:1 - मध्‍य पुरविया थारू

¹ हम सिमोन पतरुस, येसु खिरिस्‍टके परेरितके तरफसे पोन्‍टस, गलातिया, कापाडोकिया, एसिया आ बिथिनिया परदेस भैर परदेसी भ्‍याके तितर-बितर भ्‍याके रहैबला परमेस्‍वरके छानल जनसबके यि चिठी लिखैचियै।

१ पतरुस 1:1 Referans Kwoze

याकुब 1:1

हम याकुब, परमेस्‍वर आ परभु येसु खिरिस्‍टके सेवक यि चिठी चारुदिसन तितर-बितर भेल्‍हा यहुदी खिरिस्‍टीयनसबके लिखैचियौ। तोरासबके हमर गोरलगीछौ।

हिबरु 11:13

उ सबलोक परमेस्‍वरके परतिग्‍या करल बात नै पाइबके बिस्‍बासेमे मरलै। उसब परमेस्‍वरके परतिग्‍या करल बात दुरेसे देखल्‍कै आ स्‍वागत करल्‍कै, तब उसब अइ पिरथिबीमे आपनेके परदेसी आ परबासी चियै कैहके ठानल्‍कै।

एफिसी 2:19

अहै खातिर तु गैर-यहुदीसब आब बिदेसी आ अनचिन्‍हार नै चिही, महज परमेस्‍वरके जनसङे तुसब एके समुहके नागरिक आ परमेस्‍वरके परिबारके सदससब भेलचिही।

परेरित 8:4

तब जे बिस्‍बासीसब छिरिया गेल रहै उसब घुइम-घुइमके सब इलाकामे चारुदिसन ज्‍याके परभुके बचन परचार करल्‍कै।

युहन्‍ना 11:52

यहुदीसबके देसके लेल मातरे नै, महज जते-तते छिरियाल परमेस्‍वरके बेटा-बेटीसबके एकसाथ जमा करैके लेल एहेन कहलगेल छेलै।

मतीके लिखल सुसमाचार 24:22

यदी परमेस्‍वर उ बिपतके दिन कम नै करतै त लोकसब कोइ नै जिबित रहतै, महज परमेस्‍वर आपन छानल लोकसबके खातिर यि दिन कम कैरदेतै।

१ पतरुस 2:11

हे पिरिय भाइसब, यि सन्‍सारमे तुसब बिदेसी आ परदेसी जखा चिही। हम तोरासबके बिन्‍ती करैचियौ, देहके अधलाह इक्‍छासब पुरा करै दिसन नै लाग। एहेन परकारके इक्‍छासब तोरासबके आत्‍माके बिरोधमे उठतौ।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

एफिसी 2:12

ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

२ कोरन्‍थी 1:8

हे हमर भाइसब, एसिया परदेसमे हमरासबके भोगल दुखके बारेमे तोरोसबके थाह हेबे कैहके हमसब चाहैचियै। कथिलेकी हमसब सहे नै सकैबला अतहेक नै दुख पाबलियै कि हमसब बाच्‍बै कैहके कोनो आसा नै छेलै।

परेरित 18:2

ओते उ अकिलास नामके एक गोरा यहुदीके भेटलै। ओकर जलम पोन्‍टस इलाकामे भेलरहै। उ हाल-साले आपन घरबाली पिरिस्‍किलासङे इटालिया देससे एल रहै। कथिलेत रोमके रजा क्‍लौडियस सब यहुदीसबके रोम सहरसे निक्‍लैके हुकुम देल्‍कै तब पावल ओइसबके भेटैले गेलै।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

२ तिमोथी 1:15

तोरासबके थाहे छौ कि, एसियामे रहैबला सबगोरे हमरा छोइरके चैलगेलै, तै मेसे फुगेलस आ हरमोगेनस सोहो चियै।

गलाती 1:2

हम आ हमरसङे भेल सब भाइ-भैयारीसबके तरफसे गलातिया परदेसके मन्‍डलीसबके यि चिठी लिखैचियौ।

१ कोरन्‍थी 16:19

एसियाके मन्‍डलीसब तोरासबके गोरलगी पठाइनेछौ। अकिलास आ पिरिस्‍किला आ ओइसबके घरमे भेल बिस्‍बासीसब सेहो परभुमे तोरासबके हिरदयसे गोरलगी पठाइनेछौ।

परेरित 19:10

दुइ बरिसतक अहिनङे चलैत रहलै आ एसिया परान्‍तके सब बासिसब, यहुदी आ गिरिक दुनु परभुके बचन सुनल्‍कै।

परेरित 18:23

कुछदिन तक ओतै रहलै। तकरबाद फेनो उ गलातिया आ फिरिगिया इलाकाके ठामसब हैत, सब ठाममे रहल परभुके बिस्‍बासीसबके बिस्‍बासमे बलगर बनाइत गेलै।

परेरित 6:9

महज कतहेक यहुदीसब जे “स्‍वतन्‍तर-दल” कहाइबला सभाघरसबके आ कुरेनी, अलेकजेन्‍डरिया, किलिकिया आ एसियाके लोकसब रहै, उसब स्‍तिफनसके बिरोधमे खरा भ्‍याके ओकरसङे बताबती करे लाग्‍लै।

युहन्‍ना 7:35

ओकर एहेन बात सुइनके यहुदीसब आपसमे कहल्‍कै, “यि लोक कते जाइले लागलछै जे हमसब ओकरा नै भेटाइबै? कि उ गिरिक देसमे तितर-बितर भेल यहुदीसब लग जेतै आ गिरिकियोसबके सिक्‍छा देतै?

मतीके लिखल सुसमाचार 10:2

उ बारहो परेरितसब एह्‍या चियै- पहिन्‍का सिमोन, जकर नाम पतरुसो चियै आ ओकर भाइ अन्‍दरियास, जब्‍दियाके बेटा याकुब आ ओकर भाइ युहन्‍ना,

मतीके लिखल सुसमाचार 4:18

जब येसु गालिल तालके कातमे टहलैत खिना पतरुस कहाइबला सिमोन आ ओकर भाइ अन्‍दरियास, दुनु भैयारीके माछ पकरैले तालमे जाल फेकैत देखल्‍कै। उसब मलाह रहै।

लुका 18:7

कि परमेस्‍वरके आपन जनसब रात-दिन ओकरा पुकारतै त ओइसबके नियाइ नै करतै? कि उ आपन लोकसबके सहायता करैले देर करतै त?