१ युहन्‍ना 5:10 - मध्‍य पुरविया थारू

¹⁰ जे कोइ परमेस्‍वरके बेटामे बिस्‍बास करैछै, ओकर हिरदयमे अइ बातके साक्‍छी रहैछै। परमेस्‍वरके बिस्‍बास नै करैबला ओकरा झुठा ठहराइछै, कथिलेकी परमेस्‍वर आपन बेटाके बारेमे देल साक्‍छीके उ बिस्‍बास नै करैछै।

१ युहन्‍ना 5:10 Referans Kwoze

रोमी 8:16

हमसब परमेस्‍वरके बेटा-बेटी चियै कैहके पबितर आत्‍मा स्‍वयम आपनेसे अपनासबके आत्‍माके गबाही दैछै।

गलाती 4:6

तुसब परमेस्‍वरके बेटा-बेटी भेलासे उ आपन बेटाके आत्‍मा अपनासबके हिरदयमे राइखदेनेछै, जैसे “हे अब्‍बा, पिता!” कैहके पुकारैचिही।

युहन्‍ना 3:33

महज जे ओकर गबाही सुइकार करने छै, उ लोक परमेस्‍वर सत छै कैहके गबाही दैछै।

युहन्‍ना 5:38

ओकर बचन तोरासबके मनमे नै रहैछौ, कारन जकरा उ पठेल्‍कै तुसब ओकरमे बिस्‍बास नै करैचिही।

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।

१ युहन्‍ना 1:10

यदि हमसब कोनो पाप नै करनेचियै कहैचिही त परमेस्‍वरके झुठा ठहराइचिही आ ओकर बचन अपनासबमे नै रहतौ।

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

कलस्‍सी 3:3

कथिलेत तोरासबके पुरन्‍का जिबन मरलछौ आ तोरासबके लया जिबन खिरिस्‍टसङे परमेस्‍वरमे घोसरलछौ।

परकास 12:17

तब उ अजेगर ओइ जनीसङे औरो खिस्‍याइलै आ ओकर सन्‍तान, परमेस्‍वरके आग्‍या मानैबलासब आ येसुके साक्‍छी दैबलासब सङे लराइ करे गेलै।

परकास 2:28

हम ओकरा अनगुतके तरा सेहो देबै।’

२ पतरुस 1:19

अहै खातिर अगमबक्‍तासबके कहल बचन सत छै से हमसब निसचिन्‍त भ्‍याके बिस्‍बास करैचियै। बिहानके इजोत नै हेबेतलिक आ तोरासबके हिरदयमे भुरुकवा तरा नै उगैतलिक उ बचन अन्‍हारमे बरैबला चिरखा जखा ओइ बचनके धियान देब्‍ही त असल करबिही।

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

युहन्‍ना 3:18

ओकर उपर बिस्‍बास करैबला कोइने दोसी ठहरतै, महज ओकर उपर बिस्‍बास नै करैबलासब पहिने दोसी ठहैरगेलछै। कथिलेत उसब परमेस्‍वरके एकलौता बेटाके बिस्‍बास नै करने छै।

गलाती 4:1

हमर कहैके मतलब यि चियै कि, हकबला जाबेतक छोट रहैछै, उ सब चिजके मालिक रहतै तैयो उ दास जखा हैछै।

परेरित 8:37

[फिलिप जबाब देल्‍कै, “यदी अहाँ पुरा मनसे बिस्‍बास करैचियै त बप्‍तिस्‍मा ल्‍यासकैचियै।” उ कहल्‍कै, “हम बिस्‍बास करैचियै जे येसु खिरिस्‍टे परमेस्‍वरके बेटा चियै।”]