१ युहन्‍ना 4:21 - मध्‍य पुरविया थारू

²¹ जे परमेस्‍वरके परेम करैछै, ओकरा आपन भाइयोके परेम करे परतै। एह्‍या आग्‍या खिरिस्‍ट अपनासबके देने छै।

१ युहन्‍ना 4:21 Referans Kwoze

१ युहन्‍ना 3:11

तुसब यि बात सुरुवेसे सुन्‍ने चिही की हमसबके एक-दोसरके परेम करे परतै।

१ थेसलोनिकी 4:9

एक दोसरके परेम करे परैछै तैके बारेमे तोरासबके लेल लिखैके कोनो जरुरी नै छै, कथिलेकी परमेस्‍वर आपनेसे तोरासबके एक दोसरके परेम करे परैछै कैहके सिखाइने छौ।

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

गलाती 5:14

कथिलेत सब बेबस्‍थाके निचोर एकेटा आग्‍यामे पुरा हैछै, “आपन परोसियासबके आपने जखा परेम कर।”

युहन्‍ना 15:12

“हमर आग्‍या यह्‍या चियै कि जहिना हम तोरासबके परेम करनेचियौ तहिना तुहुसब एक-दोसरके परेम कर।

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।

१ युहन्‍ना 3:14

अपनासब जानैचियै कि मिरतुके मुहसे निकैलके जिबनमे पुइगगेल चियै कारन अपनासब एक दोसरके परेम करैचियै। जे लोकसब परेम नै करैछै उ मिरतुके बन्‍धनमे रहैछै।

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

लुका 10:37

उ कहल्‍कै, “दया करैबला लोक!” येसु कहल्‍कै, “जो, तुहु ओहिनङे कर।”

१ युहन्‍ना 4:11

हमर पिरिय सङिसब, परमेस्‍वर अपनासबके अतहेक परेम करने छै त अपनोसबके एक-दोसरके परेम करेपरतै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

१ युहन्‍ना 3:18

हे हमर धियापुतासब, अपनासब खाली मुह आ बातसे मातरे परेम नै कर, महज अपनासब काम आ सत्‍यतासे परेम करैजो।

मतीके लिखल सुसमाचार 5:43

“तुसब सुन्‍ने चिही जे अनङ कहलगेल छेलै, ‘आपन परोसियाके परेम कर आ आपन दुस्‍मनके घिरना कर।’

१ युहन्‍ना 2:7

पिरिय सङिसब, हम तोरासबके लबका आग्‍या नै, महज वह्‍या पुरन्‍के आग्‍या लिखैचियौ। जे सुरुवेसे चलल एल पुरन्‍का आग्‍या चियै। यि पुरन्‍का आग्‍या तोरासबके सुनलेहे बचन चियौ।