१ युहन्‍ना 4:17 - मध्‍य पुरविया थारू

¹⁷ अहिनङे अपनासबके परेम सिध हैतजेतै आ नियाइके दिनमे अपनासबके डराबे नै परतै, कथिलेकी खिरिस्‍ट जहैनछै, तहिनङे अपनोसब यि सन्‍सारमे चियै।

१ युहन्‍ना 4:17 Referans Kwoze

१ युहन्‍ना 4:12

परमेस्‍वरके कोइने कहियो देख्‍नेछै। महज अपनासब एक-दोसरके परेम करबिही त परमेस्‍वर अपनासबमे बास करतै आ ओकर परेम अपनासबमे पुरा हेतै।

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।

१ युहन्‍ना 2:5

महज जे परमेस्‍वरके बचनके पालन करैछै उ परमेस्‍वरके साँचो परेम करैछै। ओहैसे अपनासब ओकरमे चियै से जानैचियै।

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

युहन्‍ना 15:20

हम जे बातसब कहलियौ तै बातसबमे गौरसे बिचार कर कि ‘नोकर आपन मालिकसे बरका नै हैछै।’ सन्‍सारके लोकसब हमरा त सतेल्‍कै उसब तोरोसबके सताइतौ। यदी सन्‍सारके लोकसब हमर बात मान्‍तै त, तोरोसबके बात सेहो मान्‍तौ।

१ युहन्‍ना 3:1

देख्‍ही त, पिता अपनासबके कतहेक परेम करने छै, जे साँचोके हमसब परमेस्‍वरके बेटा-बेटी कहाइचियै। सन्‍सारके लोकसब परमेस्‍वरके नै चिन्‍हलाके कारन अपनासबके नै चिन्‍हैछै।

२ पतरुस 3:7

महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।

२ पतरुस 2:9

ओहिनङ परभु धरमी लोकसबके संकटसे बचाबैले आ अधरमी लोकसबके दन्‍ड दैले नियायके दिन तलिक राखैले जानैछै।

याकुब 2:22

बिस्‍बास आ काम सङ-सङे रहैछै से बात नै देखलिही? ओकर आग्‍या पालनसे ओकर बिस्‍बास परमानित भेलै।

मतीके लिखल सुसमाचार 12:36

हम तोरासबके कहैचियौ, जे लोक बिना कामके बोल्‍तै, नियाइके दिनमे तकरासे एक-एक कैरके लेखा देबेपरतै।

मतीके लिखल सुसमाचार 11:24

महज हम तोरासबके कहैचियौ, नियायके दिनमे सदोमसे बेसी दसा तोरासबके हेतौ।”

मतीके लिखल सुसमाचार 11:22

महज हम तोरासबके कहैचियौ, नियाइके दिनमे टुरोस आ सिदोनके लोकसबके दुखसे बेसी तोरासबके दुख बेसी हेतौ।

मतीके लिखल सुसमाचार 10:25

तै खातिर चेला आपन गुरु जखा आ नोकर आपन मालिक जखा भेनाइ बहुत चियै। यदी उसब घरेके मालिकके बालजिबुल कहैछै त ओकर खानदानके औरो कि-कि नै कहतै!

मतीके लिखल सुसमाचार 10:15

साँचोके, हम तोरासबके कहैचियौ, नियाइके दिनमे ओइ सहरके दसासे बरु सदोम आ गमोराके दुख सहे जोकरके हेतै।

याकुब 2:13

कथिलेकी जे लोक किरपा नै करैछै ओकर नियाय किरपे बिनाके हैछै। किरपा नियायके उपर बिजय हैछै।

युहन्‍ना 17:22

जे महिमा अहाँ हमरा देनेचियै, ओह्‍या महिमा हम ओइसबके देनेचियै, ताकि जहिनङे हम आ अहाँ एक चियै तहिनङे ओहोसब एक हेबे।

हिबरु 9:27

जहिनङ लोकसबके एकबेर मरनाइ निस्‍चित छै तहिनङ मरलाकेबाद ओकर नियाय निस्‍चित छै।

१ युहन्‍ना 2:6

परमेस्‍वरमे चियै कहैबला लोक येसुवे जखा चले परैछै।

१ युहन्‍ना 3:7

हे पिरिय धियापुतासब, कोइ नै तोरासबके बहकाबे। धारमिकतामे चलैबला लोक खिरिस्‍ट जखा धरमी हैछै।