१ युहन्‍ना 4:1 - मध्‍य पुरविया थारू

¹ हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

१ युहन्‍ना 4:1 Referans Kwoze

१ थेसलोनिकी 5:21

महज सब बातके जाँच कर आ जे चिज असल छै ओइके पकरने रह।

२ पतरुस 2:1

जहिनङे इजराएलीसबके बिचमे झुठा अगमबक्‍तासब छेलै, तहिनङे तोरोसबके बिचमे झुठा गुरुसब देखा परतौ। उसब गुपचुपेमे नास हैबला झुठा बातसब सिखाइतौ आ मुक्‍ती दैबला परभुके सेहो उसब इन्‍कार कैरके आपन उपर जल्‍दिए नास लाबतै।

१ तिमोथी 4:1

पबितर आत्‍मा साफ-साफ कहैछै कि अन्‍तके दिनसबमे अहिनङो लोकसब हेतै जेसब बिस्‍बाससे पछा हटतै। उसब छल करैबला आत्‍माके आ भुतसबके देल सिक्‍छा मान्‍तै।

२ युहन्‍ना 1:7

कथिलेत बहुतो धोखा दैबलासब सन्‍सारके बहुतो ठामसबमे पुइगगेल छै, जेसब येसु खिरिस्‍ट देहधारी भेल छै कैहके नै सुइकारैछै। एहैन लोकसब धोखा दैबला आ खिरिस्‍ट बिरोधी चियै।

१ कोरन्‍थी 14:29

अगमबानी बोलैबला दुइ या तिन गोरा हेबे आ ओइसबके बोलल बात ठिक छै कि नै छै से औरोसब जाँच करे।

१ युहन्‍ना 2:18

हमर पिरिय धियापुतासब, यि अन्‍तिम घरी चियै। खिरिस्‍ट बिरोधी आबैबला छै से तुसब सुन्‍नेचिही। खिरिस्‍टके बहौत बिरोधीसब त आइबगेल छै। तहैसे अपनासब यि अन्‍तिम घरी चियै से बात जानैचियै।

लुका 12:57

कोन बात ठिक चियै कैहके तुसब कथिले नै आपनेमे उचित निरनय करे सकैचिही?

लुका 21:8

येसु कहल्‍कै, “होसियार रह, तोरासबके कोइयो नै बहकाबे। ‘समय नजदिक चैल एलछै’ आ हमर नाममे बहुत लोकसब ‘हम्‍ही खिरिस्‍ट चियै’ कहतौ, महज ओकरौरके पछा तुसब नै जैहे।

२ तिमोथी 3:13

महज दुस्‍ट आ ढोङी लोकसब दोसरके धोखा दैछै आ उ आपनो धोखा खाइत बिगरैते जाइछै।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

१ कोरन्‍थी 12:10

ओह्‍या पबितर आत्‍मा ककरो अचमके काम करैबला, ककरो अगमबानी बोलैबला, ककरो आत्‍मासब छुटयाबैबला, ककरो बहौत किसिमके भसासब बोलैबला आ ककरो भसासबके अरथ खोलैबला बरदान दैछै।

परेरित 20:29

हम जानैचियौ कि, हम चैलगेलाके बाद तोरौरके बिचमे जङली नरहियासब एतौ आ जेरके बाकी नै राख्‍तौ।

मरकुस 13:21

ओइ बखत कोनो लोक तोरासबके कहतौ, ‘देख, खिरिस्‍ट एते छौ’ या ‘ओते छौ!’ महज उ बातमे बिस्‍बास नै कर।

परेरित 17:11

ओतेका लोकसब थेसलोनिकेके लोकसबसे खुला बिचारके लोकसब रहै। उसब परमेस्‍वरके सुसमाचार एकदम धियान द्‍याके सुनै। पावलके कहलहा बातसब मिलैछै कि नै मिलैछै कैहके उसब हरेक दिन धरमसास्‍तर पढ़है आ जाँचै।

१ थेसलोनिकी 5:20

परमेस्‍वरके अगमबानीके तुच्‍छ नै ठान।

२ थेसलोनिकी 2:2

अपनासबके परभु आबैबला दिन भेलौ कहतौ त तुसब नै घबरा आ भरममे नै पर। ओइ दिनके बिसयमे कोइ अगमबानीसे, कोइ बोलिसे आ कोइ-कोइ हमरेसब जखा लिखल चिठीसे भरममे पारैले खोज्‍तौ तैयो बिस्‍बास नै करिहे।

१ युहन्‍ना 2:7

पिरिय सङिसब, हम तोरासबके लबका आग्‍या नै, महज वह्‍या पुरन्‍के आग्‍या लिखैचियौ। जे सुरुवेसे चलल एल पुरन्‍का आग्‍या चियै। यि पुरन्‍का आग्‍या तोरासबके सुनलेहे बचन चियौ।

३ युहन्‍ना 1:11

पिरिय सङि, तु खराब कामके देखासेखी नै कर, बरु असल कामके देखासेखी कर। जे असल काम करैछै, उ परमेस्‍वरके बेटा-बेटी चियै आ जे अधलाह काम करैछै, उ परमेस्‍वरके नै चिन्‍हने रहैछै।