१ युहन्‍ना 3:9 - मध्‍य पुरविया थारू

⁹ परमेस्‍वरके बेटा-बेटी पाप नै करैतरहैछै कथिलेत परमेस्‍वरके स्‍वभाब ओकरमे रहैछै। उ पाप करे नै सकैछै कथिलेत उ परमेस्‍वरसे जलमल रहैछै।

१ युहन्‍ना 3:9 Referans Kwoze

१ युहन्‍ना 5:18

परमेस्‍वरके बेटा-बेटी भ्‍याल लोक पाप कैरते नै रहैछै से बात अपनासब जानैचियै। कथिलेकी परमेस्‍वरके बेटा ओइसबके बचाइछै आ दुस्‍ट सैतान ओकरा छुबैले नै सकैछै।

१ पतरुस 1:23

तुसब बिनास हैबला बियासे नै, बरु अभिनासी परमेस्‍वरके जिबित आ कहियो नास नै हैबला बचनसे लया जलम पाबनेचिही।

युहन्‍ना 1:13

उसब नै त लहुसे, नै त सारिरीक इक्‍छासे, नै लोकके कोनो इक्‍छासे महज उसब परमेस्‍वरसे आत्‍मिक रुपमे जल्‍मैछै।

१ युहन्‍ना 2:29

खिरिस्‍ट धरमी छै से तुसब जानैचिही। तहैलेल निसचिन्‍त रह कि धारमिकतामे चलैबला सब परमेस्‍वरसे जलमल रहैछै।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।

१ युहन्‍ना 5:4

कथिलेकी जे परमेस्‍वरके बेटा-बेटीसब चियै, उ अइ सन्‍सारके जितलैछै। खिरिस्‍टमे बिस्‍बास करैके कारन अपनासब अइ सन्‍सारके जितने चियै।

युहन्‍ना 3:3

येसु निकोदेमसके कहल्‍कै, “साँचोके हम तोरासबके कहैचियौ, जाबेतक फेनोसे लोक नया कैरके जलम नै लेतै ताबे तक उ परमेस्‍वरके राज देखे नै सक्‍तै।”

गलाती 5:17

कथिलेत पापी स्‍वभाबके ललसा पबितर आत्‍माके आ पबितर आत्‍माके ललसा पापी स्‍वभाबके बिरोध करैछै। यि दुनु एक दोसरके दुस्‍मन चियै आ तोरासबके करैले चाहल बात कहियो पुरा हैले नै देतौ।

१ युहन्‍ना 4:7

पिरिय सङिसब, अपनासब एक दोसरके परेम करु कथिलेत परेम परमेस्‍वरेसे आबैछै। परेम करैबला परमेस्‍वरके धियापुता चियै आ उ परमेस्‍वरके चिन्‍हैछै।

मतीके लिखल सुसमाचार 7:18

असल गाछ खराब फल नै फराबे सकैछै, नै त खराब गाछ असल फल फराबे सकैछै।

रोमी 6:2

अहँ, ओनङ करनाइ ठिक नै छै। पापेके खातिर अपनासब मरल चियै, तब कनङके पाप करैत जियैले सक्‍बै?

परेरित 4:20

कथिलेत जे बात देखने चियै आ सुनने चियै हमसब नै कैहके नै रहे सक्‍बै।”

तितस 1:2

उ बिस्‍बास आ ग्‍यान अनन्‍त जिबन पाबैके आसमे अरल छै, यि जिबन कहियो झुठ नै बोलैबला परमेस्‍वर सन्‍सार सिरिस्‍टी हैसे पहिने अपनासबके दैले परतिग्‍या करने छेलै।

१ युहन्‍ना 3:6

जे खिरिस्‍टमे रहैछै से लोक पाप नै करैतरहैछै। महज पाप करैबला लोक ओकरा नै त देखनेछै नै त चिन्‍हैछै।

३ युहन्‍ना 1:11

पिरिय सङि, तु खराब कामके देखासेखी नै कर, बरु असल कामके देखासेखी कर। जे असल काम करैछै, उ परमेस्‍वरके बेटा-बेटी चियै आ जे अधलाह काम करैछै, उ परमेस्‍वरके नै चिन्‍हने रहैछै।