१ युहन्‍ना 3:8 - मध्‍य पुरविया थारू

⁸ फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

१ युहन्‍ना 3:8 Referans Kwoze

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

कलस्‍सी 2:15

उ आत्‍मिक दुस्‍ट सक्‍तिसबके आ अधिकार सबके नस्‍ट करल्‍कै आ खिरिस्‍टके कुरूस दुवारा ओकरासबके हरेल्‍कै। उ ओइसबके खुलम खुल्‍ला तमासा बन्‍यादेल्‍कै।

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

युहन्‍ना 16:11

उ तोरासबके परमेस्‍वरके नियाइ कथी चियौ से देखादेतौ। कथिलेत यि सन्‍सारके रजा पहिने दोसी ठहैर गेलछै।”

युहन्‍ना 12:31

आब अइ सन्‍सारके नियाय हैबला समय चैल एलछै। अइ सन्‍सारके सासक बाहर निकालल जेतै।

२ पतरुस 2:4

परमेस्‍वर त पाप करैबला स्‍वरगदुतोसबके बाकी नै राखल्‍कै, महज उसबके नरकके खाइधमे फेक देल्‍कै। ओइसबके नियाइके दिनतक पतालके अन्‍धकारमे बाइन्‍हके राखनेछै।

मरकुस 1:24

“हौ, नासरतके येसु, अहाँके हमरासबसे कोन काम? अहाँ हमरासबके बरबाद करैले एलचियै? अहाँ के चियै से हमरा थाहछै, अहाँ परमेस्‍वरके पठेल्‍हा एकटा पबितर जन चियै।”

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

लुका 10:18

तब येसु ओकरासबके कहल्‍कै, “हमे सैतानके स्‍वरगसे बिजली जखा खसैत देखलियै।

१ युहन्‍ना 3:10

परमेस्‍वरके बेटा-बेटी आ सैतानके बेटा-बेटी अहिनङके चिन्‍हैले सकैचियै कि धारमिकतामे नै चलैबला आ आपन भाइ-भैयासबके परेम नै करैबला परमेस्‍वरके बेटा-बेटी नै हैछै।

मतीके लिखल सुसमाचार 13:38

खेत सन्‍सार चियै। असल बिचहन परमेस्‍वरके राजके लोकसब चियै आ झर सैतानके लोकसब चियै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

१ युहन्‍ना 3:5

तुसब जानैचिही कि लोकसबके पाप दुर करैले खिरिस्‍ट परगट भेलै आ ओकरमे कोनो पाप नै छै।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

यहुदा 1:6

तोरासबके याद करैबला बात यि चियौ कि, आपन अधिकारमे नै रहैबला आ आपन रहैयोबला ठाम छोरैबला स्‍वरगदुतसबके समेत परमेस्‍वर सबदिनके लेल बाइन्‍हके राखनेछै। उ नियायके बरका दिनमे सजाय दैकेलेल ओइसबके पतालके अन्‍हारमे बाइन्‍हके राखनेछै।

मतीके लिखल सुसमाचार 4:3

तहै बखत सैतान ओकरलग आइबके कहल्‍कै, “साँचोके तु परमेस्‍वरके बेटा चिही त यि पथलसब रोटी भ्‍याजो कैहके आग्‍या कर।”

मतीके लिखल सुसमाचार 12:28

महज हम परमेस्‍वरके आत्‍मासे भुतसब निकालैचियौ त परमेस्‍वरके राज तोरासबमे आइबगेलछौ से जान।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

हिबरु 9:26

यदि एहैन हेतियै त सन्‍सारके सिरिस्‍टीके सुरुवातेसे ओकरा बारमबार दुख भोगैले परतियै। महज अइ जुगके अन्‍तमे उ सबदिनके लेल एकेबेर परगट भेलै आ पाप हटाबैले आपने बलिदान भेलै।

१ युहन्‍ना 1:2

जब जिबन दैबला परगट भेलै, तब हमसब ओकरा देखलियै आ हमसब वह्‍या अनन्‍त जिबनके बिसयमे साक्‍छी दैचियौ आ तोरासबके कहैचियौ, जे पिता सङे छेलै वह्‍या अपनासबके लग परगट भेलै।