१ युहन्‍ना 3:4 - मध्‍य पुरविया थारू

⁴ जे कोइ पाप करैछै उ परमेस्‍वरके नियमके पालन नै करैछै। बास्‍तममे परमेस्‍वरके नियमके पालन नै करनाइये पाप चियै।

१ युहन्‍ना 3:4 Referans Kwoze

१ युहन्‍ना 5:17

सब दुस्‍ट काम पाप चियै, महज अहिनो पाप हैछै जकर परिनाम मिरतु नै हैछै।

रोमी 3:20

बेबस्‍था पालन कैरके परमेस्‍वरके नजरमे कोइयो नै धरमी ठहरतै कथिलेत लोकसब पापी छै से बात त बेबस्‍थे बताइछै।

२ कोरन्‍थी 12:21

तोरासबके भेटैले फेर एबौ त परमेस्‍वर हमरा तोरासबके अगा निच बनाइतै कैहके हमरा डर लागैछै। जेसब पहिने पाप करने छेलै आ तोरासब आपनेसे करल असुध काम, बेबिचार, घिनलागैबला छाडा कामसे पस्‍चताप नै करनेचिही त हमरा निच बनैले परतै।

रोमी 4:15

कथिलेत बेबस्‍था भङ करैबलासब उपर परमेस्‍वरके करोध परैछै। महज जते बेबस्‍था नै छै ओते भङ करैबला बाते नै छै।

याकुब 5:15

बिस्‍बास साथ करल परथनासे बिमारी निक हेतै तब परभु ओकरा निक कैरदेतै। उ लोक पाप करने रहतै तैयो छमा पाबतै।

मतीके लिखल सुसमाचार 5:19

अहै कारन आग्‍यासबमेसे सबसे छोट आग्‍याके नै मान्‍तै आ लोकसबके ओहिनङ करैले सिखाइतै, से स्‍वरगके राजमे सबसे छोट कहाइतै। महज जे उ आग्‍यासब पालन करतै आ सिखाइतै, स्‍वरगके राजमे उ बरका कहाइतै।

परेरित 23:3

महज पावल हननियाके कहल्‍कै, “हे कपटी लोक! परमेस्‍वर तोरो ओहिनङ करतौ। तु नियम अनुसार हमर नियाइ करैले बैठल चिही तैयो नियम बिपरित हमरा मारैले आदेस करैचिही?”