१ युहन्‍ना 3:22 - मध्‍य पुरविया थारू

²² तब अपनासब जे माङबिही से सब चिज ओकरेसे पाबबिही कथिलेत अपनासब ओकर आग्‍या मानैचियै आ ओकरा निक लागैबला काम करैचियै।

१ युहन्‍ना 3:22 Referans Kwoze

युहन्‍ना 15:7

यदी तुसब हमरमे रहबिही आ हमर बचन तोरासबमे रहतौ त, तुसब जे माङैले चाहैचिही से माङ आ उ तोरासबके देतौ।

युहन्‍ना 9:31

हमसब जानैचियै कि परमेस्‍वर पापीसबके बात नै सुनैछै, महज ओकर आराधना करैबला आ ओकर इक्‍छा अनुसार काम करैबलाके बात परमेस्‍वर सुनैछै।

मतीके लिखल सुसमाचार 21:22

तुसब बिस्‍बास कैरके परथनामे परमेस्‍वरसे जे माङबिही से तुसब पाबबिही।”

१ युहन्‍ना 5:14

परमेस्‍वरके इक्‍छा बमौजी जे कुछ माङैचियै उ अपनासबके परथना सुनैछै कैहके अपनासबके पुरा बिस्‍बास छै।

मरकुस 11:24

अहै खातिर हम तोरासबके कहैचियौ, तुसब परथनामे जे माङबिही, से पाइबगेलचिही कैहके बिस्‍बास कर आ उ मिल जेतौ।

युहन्‍ना 14:13

तुसब हमर नाममे जे कुछ माङबिही, ओइसे बेटासे पिताके महिमा हेबे कैहके हम पुरा कैरदेबौ।

याकुब 1:5

महज तोरौरके बिचमे ककरो-ककरो बुइधके कमी छौ त उ परमेस्‍वरसे माङे आ परमेस्‍वर तोरासबके उदार चितसे परसस्‍त कैरके देतौ।

युहन्‍ना 8:29

जे हमरा पठाइने छै उ हमरे सङे छै। उ हमरा असगरे नै छोरने छै, कथिलेत हम हरदम ओकरा खुसि बनाइबला काम करैचियै।”

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

याकुब 5:16

ओहैसे यदि निक हैले चाहैचियै त आपन करल पाप एक-दोसरके अगा सुइकार कर आ एक-दोसरके खातिर परथना कर। धरमी लोकके करल परथनासे परमेस्‍वर सक्‍तिसाली आ परभावकारी तबरसे काम करैछै।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

युहन्‍ना 6:29

येसु ओइसबके जबाब देल्‍कै, “परमेस्‍वरके काम एह्‍या चियै, जे ओकरा पठाइने छै ओकर उपर बिस्‍बास कर।”

फिलिप्‍पी 4:18

हम पाबैबलासे बेसी पाबनेचियै। इपाफोरोडिटसके हाथसे पठ्‍याल तोरासबके गमगम करैबला, परमेस्‍वरके मनपरैबला आ गरहन योग्‍य भेटी पाइबके हम सन्‍तुस्‍ट भेलचियै।

परेरित 17:30

अहैले पहिने अनजानमे करल कामके परमेस्‍वर धियान नै दैछै। महज आब परमेस्‍वर सब ठामके लोकसबके ‘आपन-आपन पाप माइनके पस्‍चाताव करै’ कैहके आग्‍या देने छै।

युहन्‍ना 15:10

जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

याकुब 4:3

तुसब माङैचिही महज नै पाबैचिही, कथिलेकी आपन अभिलासा पुरा करैके लेल बेठिक हिसाबसे माङैचिही।

१ युहन्‍ना 2:3

यदि अपनासब ओकर आग्‍यापालन करबै त अहैसे अपनासब जान्‍बै कि अपनासब ओकरा चिन्‍हैचियै।