१ युहन्‍ना 3:15 - मध्‍य पुरविया थारू

¹⁵ जे लोक आपन भाइके घिरना करैछै उ जानमारा चियै आ तुसब जानैचिही कि जानमारा लोकमे अनन्‍त जिबन नै रहैछै।

१ युहन्‍ना 3:15 Referans Kwoze

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

परेरित 23:14

तकरबाद उसब मुल पुजारीसब आ यहुदी अगुवासब लग ज्‍याके कहल्‍कै, “पावलके नै मारै तक हमसब कुछो नै खेबै कैहके किरिया खेनेचियै।

याकुब 1:15

अहै कारन आपन खराब इक्‍छासे पाप जलमाइछै। ओह्‍या पाप बैढके मिरतुके कारन बनैछै।

परेरित 23:12

तब बिहाने यहुदीसब एकआपसमे मिलके सल्‍लाह करल्‍कै आ किरिया खेल्‍कै, “जाबेतक पावलके नै मारबै ताबेतक हमसब नै कुछो खेबै नै पिबै।”

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

मरकुस 6:19

ओहैसे हेरोदियास ओकरसे दुस्‍मनी राखने रहै आ ओकरा मारैले ताकैछेलै महज मारैले नै सकैछेलै।

मतीके लिखल सुसमाचार 5:28

महज हम तोरासबके कहैचियौ, जे कोइ कोनो जनीके गलत नजरसे देखैछै, त उ पैहनैये आपन मनमे ओकरसे बेबिचार कैरलेने रहैछै।

१ पतरुस 1:23

तुसब बिनास हैबला बियासे नै, बरु अभिनासी परमेस्‍वरके जिबित आ कहियो नास नै हैबला बचनसे लया जलम पाबनेचिही।

१ युहन्‍ना 2:9

जे आपनके इजोतमे चियै कैहके कहैछै, महज आपन भाइके घिरना करैछै त, उ अखुन्‍तो अन्‍हारेमे छै।

१ युहन्‍ना 2:11

महज भाइके अपहेलना करैबला अन्‍हारमे रहैछै आ अन्‍हारेमे चलैछै। उ कते ज्‍यारहलछै से नै जानैछै, कथिलेत अन्‍हार ओकरा अन्‍हर कैरदेने रहैछै।