१ युहन्‍ना 3:12 - मध्‍य पुरविया थारू

¹² अपनासब कयिन जखा नै हेबेपरतै। उ सैतानके लोक भेलाके कारन आपन भाइ हाबिलके मारल्‍कै। उ कथिले आपने भाइके मारल्‍कै? कथिलेत ओकर कामसब दुस्‍ट छेलै। महज ओकर भाइके काम धरमी छेलै।

१ युहन्‍ना 3:12 Referans Kwoze

हिबरु 11:4

बिस्‍बाससे हाबिल आपन भैया कयिनसे औरो बेसी गरहन योग्‍य बली परमेस्‍वरके चरहेल्‍कै आ ओहैसे हाबिल धरमी ठहरलै। ओकर चरहाल बलीके परमेस्‍वर सुइकार करल्‍कै। हाबिल मैरके चैलगेलै तैयो ओकर बिस्‍बासके उदाहरनसे अखुनो अपनासब सिखैले सकैचियै।

यहुदा 1:11

ओइसबके खातिर यि कतहेक डर हैबला बात चियै। उसब कयिनके देख्‍याल रस्‍ता चल्‍लै। पैसाके खातिर बलामके करलहा अधलाह कामके रस्‍ता गेलै तब उसब कोरह जखा बिरोध करल्‍कै आ उसब ओकरे जखा नास हेतै।

लुका 11:51

हँ, हम तोरासबके कहैचियौ, हाबिलके खुनसे ल्‍याके बली बेदी आ परमेस्‍वरके मन्‍दिरके पबितर जगहके बिच मारल जकरिया तकके खुनके लेखा अहै पुस्‍ताके लोकसबसे ल्‍याल जेतै।

मतीके लिखल सुसमाचार 23:35

अहै तरहसे पिरथिबीमे धरमी लोकके जतहेक खुन बहलै- धरमी हाबिलके लहुसे लके बेरेक्‍याहके बेटा जकरियाके लहुतक, जकरा तुसब मन्‍दिरके पबितर ठाम आ बेदीके बिचमे हतिया करलिही- तकरासबके दोस तोरेसबके कपारमे परतौ।

१ पतरुस 4:4

आब तुसब निरलज जिबन नै बिताइचिही से देखके उसब छक परैछै आ तोरासबके बदनाम करैछौ।

हिबरु 12:24

तुसब त परमेस्‍वर आ लोकसबके बिचमे लबका करार बान्‍हैबला मध्‍यस्‍तकरता येसुलग एलचिही। तुसब हाबिलके लहुसे बेसी असल बातके परतिग्‍या करैबला येसुके लहुमे एल चिही।

१ युहन्‍ना 3:8

फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

परेरित 7:52

कि अगमबक्‍तासब मेसे ककरा नै तोरौरके पिता-पुरखासब सतेल्‍कौ? परमेस्‍वरके पबितर धारमिक सेबकके आबैसे पैहने भबिसबानी करैबलासबके खुन कैर देल्‍कौ आ तुसब ओहै धरमी सेबकसबके पकराके ओकरा खुन कैर देल्‍ही।

युहन्‍ना 10:32

महज येसु ओइसबके कहल्‍कै, “हम तोरासबके हमर पितासे बहुतो अजगुतके कामसब कैरके देखेलियौ, ओइसबमेसे कोन कामके लेल तुसब हमरा पथलसे मारैले चाहैचिही?”

मतीके लिखल सुसमाचार 27:23

पिलातस पुछल्‍कै, “कथिले? यि कोन अपराध करने छै से?” महज अहैले लोकसब जोरजोरसे चिच्‍याइत कहेलाग्‍लै, “ओकरा कुरूसमे लटका!”

मतीके लिखल सुसमाचार 13:38

खेत सन्‍सार चियै। असल बिचहन परमेस्‍वरके राजके लोकसब चियै आ झर सैतानके लोकसब चियै।

मतीके लिखल सुसमाचार 13:19

जे लोक परमेस्‍वरके राजके बचन सुइनके नै बुझैछै, उ लोक रस्‍ताकातमे परल बिचहन जखा चियै। तब सैतान आइबके ओकर हिरदयमे भेल्‍हा बचन छिनके ल्‍याजाइछै।

परकास 17:6

तब हम उ जनीके परमेस्‍वरके पबितर जनसब आ येसु खिरिस्‍टके साक्‍छी दैबलासबके लहु पिके मातल देखके हम एकदम छक परलियै।

१ थेसलोनिकी 2:14

यि बात हमरासबके थाहछै भाइ-भैयासब कथिलेकी तोरासबके जे समस्‍या भेलौ उ समस्‍या यहुदियामे रहल परमेस्‍वरके मन्‍डली अरथात खिरिस्‍ट येसुमे बिस्‍बास करैबला लोकसबके भेलै। उसब आपन जाती यहुदीसे जनङ सताबट पाबल्‍कै तहिने तुहुसब आपने जातीके लोकसबसे सताबट पाबनेचिही।

मतीके लिखल सुसमाचार 5:37

तोरासबके कहल बचन ‘हँ’ त ‘हँ’ ‘नै’ त ‘नै’ मातरे कह। अकरसे बेसी बाजैचिही त उ सैतानसे आबैछै।

युहन्‍ना 8:40

महज हम तोरासबके परमेस्‍वरसे सुनल सत बातसब सुनाइचियौ त तुसब हमरा मारैले ताकैचिही। अबराहम त एहेन काम नै करल्‍कै।

युहन्‍ना 8:41

तुसब ओह्‍या करैचिही जे तोहर पिता करल्‍कौ।” उसब येसुके कहल्‍कै, “हमसब बेबिचारमे जलमल नै चियै। हमरासबके त एकेटा पिता छै, उ परमेस्‍वर चियै।”