१ युहन्‍ना 2:22 - मध्‍य पुरविया थारू

²² तब झुठ के चियै त? झुठ वह्‍या चियै जे येसुवे खिरिस्‍ट चियै कहैले इन्‍कार करैछै। पिता आ बेटाके जे कोइ इन्‍कार करैछै वह्‍या खिरिस्‍ट बिरोधी चियै।

१ युहन्‍ना 2:22 Referans Kwoze

२ युहन्‍ना 1:7

कथिलेत बहुतो धोखा दैबलासब सन्‍सारके बहुतो ठामसबमे पुइगगेल छै, जेसब येसु खिरिस्‍ट देहधारी भेल छै कैहके नै सुइकारैछै। एहैन लोकसब धोखा दैबला आ खिरिस्‍ट बिरोधी चियै।

१ युहन्‍ना 4:3

अहिनङे जे कोइ येसु खिरिस्‍टके परमेस्‍वरसे एलछै कैहके सुइकार नै करैछै। उ परमेस्‍वरसे नै एल रहैछै। उ त खिरिस्‍ट बिरोधीसे एलछै। उ आइबरहल छै कैहके तुसब सुन्‍ने चिही, उ त सन्‍सारमे चैलएलछै।

१ युहन्‍ना 2:18

हमर पिरिय धियापुतासब, यि अन्‍तिम घरी चियै। खिरिस्‍ट बिरोधी आबैबला छै से तुसब सुन्‍नेचिही। खिरिस्‍टके बहौत बिरोधीसब त आइबगेल छै। तहैसे अपनासब यि अन्‍तिम घरी चियै से बात जानैचियै।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।

१ युहन्‍ना 4:20

यदि कोइ परमेस्‍वरके परेम करैचियै कहैछै आ आपन भाइ-बहिनके घिरना करैछै त उ झुठ छै। आपनसे देखल भाइके परेम नै करैबला नै देखल परमेस्‍वरके कनङ परेम करे सक्‍तै?

१ युहन्‍ना 2:23

जे बेटाके इन्‍कार करैछै ओकरसङे पिता नै रहैछै महज जे बेटाके सुइकार करैछै ओकरसङे पितो रहैछै।

१ युहन्‍ना 1:6

यदि अपनासब कहैचियै कि हमसब परमेस्‍वरसङे संगती करैचियै तैयो अन्‍हारेमे चलैचियै त, अपनासब झुठ बोलैचियै आ सत्‍यतामे नै चलैचियै।

१ युहन्‍ना 2:4

जे कोइ “हम ओकरा चिन्‍हैचियै” कहैछै, महज ओकर आग्‍या नै मानैछै त उ झुठा चियै आ ओकरमे सत्‍यता नै रहैछै।

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

परकास 3:9

देख, हमसब यहुदी चियै कैहके झुठा बोलैबला अतेछै। उसब सैतानके गुटके चियै। ओकरासबके हम तोहर गोर लागैले लगाइबै आ हम तोरा परेम करैचियौ कैहके उसब थाह पाबतै।

मतीके लिखल सुसमाचार 24:5

बहुतो लोकसब हमर नाममे एतौ आ कहतौ कि, ‘हम्‍ही खिरिस्‍ट चियै’ आ बहुतोके बहकेतौ।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।