१ युहन्‍ना 2:16 - मध्‍य पुरविया थारू

¹⁶ कथिलेत सन्‍सारमे भेल्‍हा चिजसब अरथात देहके कुइक्‍छा, आँखके लालच आ जिबनके घमन्‍ड परमेस्‍वर पितासे नै, महज यि सब त सन्‍सारसे एलछै।

१ युहन्‍ना 2:16 Referans Kwoze

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

गलाती 5:17

कथिलेत पापी स्‍वभाबके ललसा पबितर आत्‍माके आ पबितर आत्‍माके ललसा पापी स्‍वभाबके बिरोध करैछै। यि दुनु एक दोसरके दुस्‍मन चियै आ तोरासबके करैले चाहल बात कहियो पुरा हैले नै देतौ।

एफिसी 2:3

अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।

याकुब 3:15

एहेन बुइध स्‍वरगसे नै आबैछै, महज यि त सन्‍सारसे, लोकके आपन चाहनासे आ सैतानसे आबैछै।

१ पतरुस 2:11

हे पिरिय भाइसब, यि सन्‍सारमे तुसब बिदेसी आ परदेसी जखा चिही। हम तोरासबके बिन्‍ती करैचियौ, देहके अधलाह इक्‍छासब पुरा करै दिसन नै लाग। एहेन परकारके इक्‍छासब तोरासबके आत्‍माके बिरोधमे उठतौ।

२ पतरुस 2:10

खास कैरके, एहेन लोकसब जे असुध करैबला कामबासनामे डुबलरहैछै आ परमेस्‍वरके अधिकारके अपहेलना करैछै। ओहेन झुठा गुरुसब ढिठ आ घमन्‍डी हैछै आ स्‍वरगिय परानिसबके निन्‍दा करैले नै डराइछै।

तितस 2:12

यि अनुगरहसे अपनासबके परमेस्‍वरके आदर नै हैबला काम आ सन्‍सारके लोभ-लालच त्‍यागैले लगाइछै आ धिरजसे अपने आपके बसमे राखैले, निरदोस हैले आ परमेस्‍वरके आदर हैबला जिबन जियैले सिखाइछै।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

१ पतरुस 1:14

तुसब आग्‍याकारी धिया-पुता जखा रह। अन्‍जानमे रहै बखत अधलाह इक्‍छा अनुसार जनङ करैछेल्‍ही तनङ नै कर।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

मतीके लिखल सुसमाचार 5:28

महज हम तोरासबके कहैचियौ, जे कोइ कोनो जनीके गलत नजरसे देखैछै, त उ पैहनैये आपन मनमे ओकरसे बेबिचार कैरलेने रहैछै।

लुका 4:5

तकरबाद सैतान येसुके पहारके टुप्‍पीमे लज्‍याके एके झलकमे सन्‍सारके सारा राजसब देखेल्‍कै।

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।

मतीके लिखल सुसमाचार 4:8

फेनो सैतान येसुके एकटा उच्‍का पहाड़मे लज्‍याके सन्‍सारके सब राज आ आपन सान देखाइत कहल्‍कै,

१ कोरन्‍थी 10:6

आब ओकरेसब जखा हमसब खराब इक्‍छा नै राखबै कैहके यि घटना अपनासबके चेताबनीके लेल चियै।

याकुब 4:16

महज तुसब त घमन्‍डी भ्‍याके आपन बन्‍याल योजनामे खुब धाख लगाइचिही। एहेन घमन्‍ड करनाइ निक बात नै चियै।