१ युहन्‍ना 2:13 - मध्‍य पुरविया थारू

¹³ हौ बाबुसब, हम अहाँसबके लिखैचियै कथिलेत जे सुरुवेसे छेलै ओकरा अहाँसब चिन्‍हैचियै। हे जबानसब, हम तोरासबके लिखरहलचियौ, कथिलेत तुसब ओइ दुस्‍ट सैतानके जितनेचिही।

१ युहन्‍ना 2:13 Referans Kwoze

युहन्‍ना 14:7

तुसब हमरा साँचोके चिन्‍तिही त, हमर पितोके चिन्‍तिही। आबसे तुसब हमर पिताके चिन्‍हबिही कथिलेत तुसब ओकरा देखलेनेचिही।”

१ युहन्‍ना 2:14

हौ बाबुसब, हम अहाँसबके लिखैचियै, कथिलेकी जे सुरुवेसे चियै ओकरा अहाँसब चिन्‍हने चियै। हे कन्‍की धियापुतासब, हम तोरासबके लिखैचियौ। कथिलेत तुसब परमेस्‍वर पिताके चिन्‍हनेचिही। हे जबानसब, हम तोरासबके यि लिखैचियौ, कथिलेकी तुसब बौकार चिही आ परमेस्‍वरके बचन तोरासबके हिरदयमे रहलाके कारन तुसब दुस्‍ट सैतानके जितलेने चिही।

१ युहन्‍ना 4:4

हमर धियापुतासब, तुसब परमेस्‍वरके चिही आ तुसब झुठा अगमबक्‍तासबके जितनेचिही कथिलेत तोरासबमे रहल पबितर आत्‍मा सन्‍सारमे भेल आत्‍मासे सक्‍तिसाली छै।

१ युहन्‍ना 1:1

सुरुवेसे भेल, हमसब आपने कानसे सुनल, आपने आँखसे देखल यि जिबन दैबला बचनके बिसयमे तोरासबके लिखैचियौ जकरा हमसब गौरसे देख्‍ने चियै आ आपने हाथसे छुबने चियै।

लुका 10:22

“हमर पिता हमरा सबचिजके जिमा देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै आ बेटा ओकरा जकरलग परगट करैके इक्‍छा करैछै से औरो कोइ नै जानैछै।”

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

१ युहन्‍ना 5:18

परमेस्‍वरके बेटा-बेटी भ्‍याल लोक पाप कैरते नै रहैछै से बात अपनासब जानैचियै। कथिलेकी परमेस्‍वरके बेटा ओइसबके बचाइछै आ दुस्‍ट सैतान ओकरा छुबैले नै सकैछै।

१ युहन्‍ना 3:12

अपनासब कयिन जखा नै हेबेपरतै। उ सैतानके लोक भेलाके कारन आपन भाइ हाबिलके मारल्‍कै। उ कथिले आपने भाइके मारल्‍कै? कथिलेत ओकर कामसब दुस्‍ट छेलै। महज ओकर भाइके काम धरमी छेलै।

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

१ युहन्‍ना 2:12

हमर दुलरुवा धियापुतासब, हम तोरासबके यि लिखरहल चियौ, कथिलेत येसु खिरिस्‍टेसे तोरासबके पाप छमा भेलछौ।

१ युहन्‍ना 2:1

हे हमर दुलरुवा धियापुतासब, तुसब पाप नै करिहे कैहके यि बात तोरासबके खातिर लिखैचियौ। महज कोइ पाप करियोलेतै त अपनासबके दिसनसे पितासङे बिन्‍ती करैबला एक गोरा धरमी येसु खिरिस्‍ट छै।

तितस 2:6

ओहिनङे जबान सबके अपने-आपके बसमे राखैकेलेल उत्‍साह दहै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

युहन्‍ना 16:3

उसब पिताके आ हमरा नै चिन्‍हैछै, तै कारन उसब एहेन काम करतौ।

युहन्‍ना 14:9

येसु ओकरा जबाब देल्‍कै, “फिलिप! अतहेक दिनसे त हम तोरेसबसङे चियौ, तैयो तु हमरा नै चिन्‍हैचिही? जे हमरा देख्‍ने छै, उ पिताके देख्‍ने छै। तब तु कनङके कहैचिही, कि ‘हमरासबके पिताके देख्‍यादिय?’

युहन्‍ना 8:19

तब उसब येसुके पुछल्‍कै, “तोहर पिता कते छौ?” येसु ओइसबके जबाफ देल्‍कै, “तुसब नै त हमरा चिन्‍हैचिही आ नै त हमर पिताके। यदी तुसब हमरा चिन्‍हतिही त हमर पितोके चिन्‍हने रहतिही।”

मतीके लिखल सुसमाचार 13:38

खेत सन्‍सार चियै। असल बिचहन परमेस्‍वरके राजके लोकसब चियै आ झर सैतानके लोकसब चियै।

मतीके लिखल सुसमाचार 13:19

जे लोक परमेस्‍वरके राजके बचन सुइनके नै बुझैछै, उ लोक रस्‍ताकातमे परल बिचहन जखा चियै। तब सैतान आइबके ओकर हिरदयमे भेल्‍हा बचन छिनके ल्‍याजाइछै।

१ तिमोथी 5:1

अपनसे बुढसबके नै हप्‍का, बरु आपन बाबु जखा आदरभावसे सम्‍झा-बुझा आ आपनसे छोट भाइ जखा बेबहार कर।

युहन्‍ना 17:21

हम परथना करैचियै कि उ सबकोइ एक हेबे। हे पिता, जहिनङे अहाँ हमरमे आ हम अहाँमे चियै, तहिनङे ओहोसब अपनासबसङे एक हेबे, ताकि अहाँ हमरा पठाइनेचियै कैहके सन्‍सारके लोकसब बिस्‍बास करे।

मतीके लिखल सुसमाचार 5:37

तोरासबके कहल बचन ‘हँ’ त ‘हँ’ ‘नै’ त ‘नै’ मातरे कह। अकरसे बेसी बाजैचिही त उ सैतानसे आबैछै।

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”

परकास 12:11

थुमाके लहुसे, ओकरासबके घोसना करल सत बचनसे आ जान तलिक दैले उसब तैयार भेलाके कारन अपनासबके भाइ-भैयासब ओकरा जितनेछै।