१ युहन्‍ना 2:10 - मध्‍य पुरविया थारू

¹⁰ आपन भाइके परेम करैबला इजोतमे रहैछै आ ओकरमे दोसरके बाधा दैबला कोनो बात नै रहैछै।

१ युहन्‍ना 2:10 Referans Kwoze

१ युहन्‍ना 3:14

अपनासब जानैचियै कि मिरतुके मुहसे निकैलके जिबनमे पुइगगेल चियै कारन अपनासब एक दोसरके परेम करैचियै। जे लोकसब परेम नै करैछै उ मिरतुके बन्‍धनमे रहैछै।

रोमी 14:13

ओहैसे अपनासब एक-दोसरके दोस नै लगा। बरु अपनासब आपन भाइके ठेस लागैबला या बाधा दैबला काम कहियो नै करबै कैहके अठोट कर।

२ पतरुस 1:10

तैल्‍याके हे भाइसब, परमेस्‍वर तोरासबके बोलाइनेछौ आ चुन्‍ने छौ से बात आपन जिबनमे परमानित करैले एकदम कोसिस करैतरह। तुसब एहैन करबिही त, बिस्‍बाससे कहियो नै गिरबिही।

युहन्‍ना 8:31

येसु आपन उपर बिस्‍बास करैबला यहुदीसबके कहल्‍कै, “यदि तुसब हमर बचनके पालन करैत रहबिही त, साँचोके तुसब हमर चेला चिही।

मतीके लिखल सुसमाचार 18:7

“पापमे फसाइबला सन्‍सारके लोकसबके धिक्‍कार! सन्‍सारमे पाप करैबला जाँचसब त अबस्‍य आबैछै, महज धिक्‍कार उ लोकके, जकरसे पाप करैबला परिक्‍छा आबैछै!

मतीके लिखल सुसमाचार 13:21

महज उ बचन ओकर हिरदयमे नै गरलाके कारन कुछदेर मातरे रहैछै। तब परमेस्‍वरके बचनमे बिस्‍बास करलाके कारन जब दुख आ सताबट आबैछै तब बिस्‍बाससे पछा हैट जाइछै।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

युहन्‍ना 11:9

तब येसु जबाफदैत कहल्‍कै, “दिनमे बारह घन्‍टा नै हैछै से? दिनमे चलैबला लोकके ठेस नै लागैछै, कथिलेत उ अइ सन्‍सारके इजोतमे देखैछै।

युहन्‍ना 12:35

तब येसु ओइसबके कहल्‍कै, “औरो कुछ समयतलिक इजोत तोरासबसङे छौ। इजोत रैहते तुसब चलफिर कर, नै त अन्‍हार तोरासबके झाइपदेतौ। जे अन्‍हारमे चलैछै, उ कते ज्‍यारहल छै से उ नै जानैछै।

१ युहन्‍ना 2:11

महज भाइके अपहेलना करैबला अन्‍हारमे रहैछै आ अन्‍हारेमे चलैछै। उ कते ज्‍यारहलछै से नै जानैछै, कथिलेत अन्‍हार ओकरा अन्‍हर कैरदेने रहैछै।