१ युहन्‍ना 1:9 - मध्‍य पुरविया थारू

⁹ यदि अपनासब आपन पाप परमेस्‍वरके अगा सुइकार करबिही त, उ अपनासबके पाप छमा करतौ आ सब अधरमसे सुध करतौ कथिलेत उ बिस्‍बासयोग्‍य आ धरमी छै।

१ युहन्‍ना 1:9 Referans Kwoze

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।

हिबरु 10:23

अपनासबके करल आसामे अस्‍थिर भ्‍याके कैसके पकैरके राख, कथिलेकी जे परतिग्‍या करने छै, उ बिस्‍बास योग्‍यछै।

१ तिमोथी 1:15

यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।

१ कोरन्‍थी 1:9

परमेस्‍वर बिस्‍बास योग्‍य छै। उ आपन बेटा, अपनासबके परभु येसु खिरिस्‍टसङे सङगतीमे रहैके लेल तोरासबके बोलाइल्‍कौ।

परेरित 19:18

बहुतो बिस्‍बास करैबलासब एलै आ खुलस्‍त रुपमे आपन-आपन करल खराब कामसब सुइकार करल्‍कै।

मरकुस 1:5

यहुदियाके पुरे इलाका आ यरुसलेम सहरके सबलोक निकैलके युहन्‍ना लग एलै आ आपन-आपन पाप माइनके उसब यरदन लदीमे बप्‍तिस्‍मा लेल्‍कै।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

परकास 15:3

उसब अनङ कैहके परमेस्‍वरके दास मोसाके भजन आ थुमाके भजन गाबैछेलै, “हे सरबसक्‍तिमान परभु परमेस्‍वर! अहाँके काम कतेक महान आ अदभुत छै, हे जाती जातीके रजा! अहाँके बाट धारमिक आ सत छै।

हिबरु 11:11

बिस्‍बास भेलाके कारन सारा बुढ अबस्‍थामे देहभारी हैबला सक्‍ती पाबल्‍कै, कथिलेकी उ परतिग्‍या पुरा करैबलाके बिस्‍बासयोग्‍य ठानल्‍कै।

मतीके लिखल सुसमाचार 3:6

आ आपन पाप सुइकार करैत यरदन लदीमे ओकरसे बप्‍तिस्‍मा लेबे लाग्‍लै।

एफिसी 5:26

खिरिस्‍ट मन्‍डलीके बचन रुपी पानीसे धोइबके सुध आ पबितर बनाइल्‍कै।

रोमी 3:26

महज अखुन्‍का समयमे परमेस्‍वर उसबके पापके लेखा लैछै कथिलेत उ आपने धरमी छै आ येसुमे बिस्‍बास करैबलासबके धरमी ठहराबैछै कैहके उ साबित करैछै।

युहन्‍ना 17:25

“हे धारमिक पिता, सन्‍सारके लोकसब अहाँके नै जानैछै, महज हम अहाँके जानैचियै आ अहाँ हमरा पठाइनेचियै कैहके यि चेलासब जानैछै।

लुका 22:57

महज पतरुस एहेन कैहके इन्‍कार करल्‍कै, “नै गे, हम ओकरा नै चिन्‍हैचियै!”