१ कोरन्‍थी 9:1 - मध्‍य पुरविया थारू

¹ कि हम स्‍वतन्‍तर नै चियै से? कि हम परेरित नै चियै से? कि हम परभु येसु खिरिस्‍टके नै देखलियै से? कि तुसब परभुमे हमर कामके परतिफल नै चिही से?

१ कोरन्‍थी 9:1 Referans Kwoze

परेरित 9:17

तब हननिया गेलै आ ओइ घरमे ढुइकके साउल उपर हाथ राइखके कहल्‍कै, “भाइ साउल, तोहे आबैतखिना जे परभु येसु तोरा रस्‍तामे दरसन देने छेलौ, ओह्‍या हमरा तोहर खातिर तु देखे पाबबिही आ पबितर आत्‍मासे भरपुर हेब्‍ही कैहके हमरा पठाइने छै।”

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

१ कोरन्‍थी 3:6

हम बिया छिटलियै, अपोल्‍लोस पानी पटाइल्‍कै महज बरहाबैबला काम त परमेस्‍वरे करल्‍कै।

परेरित 23:11

ओहै रात परभु पावलके लगमे खरा भ्‍याके कहल्‍कै, “पावल, साहस कर! कथिलेत जहिना यरुसलेममे हमर बारेमे गबाही देने छेल्‍ही तहिना तोरा रोममे सेहो गबाही दैले परतौ।”

परेरित 9:3

जब साउल जाइत-जाइत दमस्‍कस लग पुग्‍लै, तब अचानक अकाससे इजोत ओकर चारुकात चमकलै।

१ कोरन्‍थी 9:19

हम लोकसबसे स्‍वतन्‍तर चियै तैयो बहुतो गोरेके खिरिस्‍टमे आनैले सकी कैहके सबके लेल हम आपनेके दास बनेलियै।

२ तिमोथी 1:11

एह्‍या सुसमाचार सुनाइके खातिर हम परचारक, परेरित आ गुरु नियुक्‍त भेलचियै।

गलाती 5:1

खिरिस्‍ट अपनासबके स्‍वतन्‍तर करने छै। तहैलेल बौकार भ्‍याके खरा हो आ फेनसे बेबस्‍थाके दास हैले नै परे।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

गलाती 1:1

हम पावल, परेरित हैले लोकसबसे या कोनो लोकसे नै एलचियै, महज येसु खिरिस्‍टसे आ ओकरा मरलसे जियाइबला परमेस्‍वर पितासे पठालगेल चियै।

१ थेसलोनिकी 2:6

हमसब लोकसबसे आदर नै खोजलियै, नै त तोरासबसे आ नै आन गोरासे। हमसब खिरिस्‍टके परेरित भेलाके कारन तुसब हमरासबके आदर कर कैहके कहेसक्‍तीयौ।

२ कोरन्‍थी 11:5

आपनके “महान परेरितसब” सम्‍झैबला ककरोसे हम कम नै सोचैचियै।

१ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल गेल चियै। हमरसङे अपनासबके भाइ सोस्‍थेनेसके तरफसे सेहो यि चिठी लिखैचियौ।

रोमी 11:13

आब हम गैर-यहुदीसबके कहैचियौ, हम त गैर-यहुदीसबमे सुसमाचार परचार करैके लेल खिरिस्‍टके एक परेरित चियै। हम आपन यि सेबाके बिसेस महत्‍व दैचियै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

परेरित 14:14

महज जब परेरितसब, बरनाबास आ पावल यि बात सुनल्‍कै, तब उसब आपन बस्‍तर फाइरके दौरते लोकसबके बिचमे गेलै आ कहल्‍कै,

परेरित 14:4

महज सहरके लोकसब दुइटा गुटमे बाँटल गेलै। कुछ लोक यहुदी दिसन त कुछ लोक परेरितसब दिसन भेलै।

परेरित 13:2

एक दिन उसब उपासे रैहके परभुके आराधना करैबखत पबितर आत्‍मा कहल्‍कै, “सुन, जै कामके खातिर हम तोरासबके बोलाइने चियौ, ओहै कामके खातिर बरनाबास आ साउलके चुन।”

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

परेरित 9:5

तब साउल कहल्‍कै, “परभु, अहाँ के चियै?” उ कहल्‍कै, “हम येसु चियौ, जकरा तु सताबैचिही।

१ कोरन्‍थी 10:29

हमर कहैके मतलब तोहर बिबेकके लेल नै, महज उ बताबैबला लोकके बिबेकके लेल चियै। तुसब कहैले सकबिही, “दोसरके बिबेकके लेल आपन स्‍वतनरता कथिले जाँच करबै?

१ कोरन्‍थी 10:30

यदि हम परमेस्‍वरके धन्‍यबाद द्‍याके खाइचियै त, धन्‍यबाद द्‍याके ख्‍याल भोजनके लेल कथिले हमरा दोसर लोक दोस लगाइतै?”

१ कोरन्‍थी 11:16

यदि कोइ अकर बारेमे बिबाद करैले चाहैछै त, हमरासबसङे यि बाहेक कोनो चलन नै छै, नै त परमेस्‍वरके मन्‍डलीसबमे छै।

२ कोरन्‍थी 10:7

तुसब त बाहरमे देखैबला बात मातरे देखैचिही। यदि कोइ उ खिरिस्‍टके चियै कैहके बिस्‍बास करैछै त, उ आपने आपके याद करे कि जहिना उ खिरिस्‍टमे छै तहिना हम्‍हुसब खिरिस्‍टके चियै।