१ कोरन्‍थी 7:34 - मध्‍य पुरविया थारू

³⁴ एहेन लोकके मन दुइ दिसन हैछै। तहिनङे कुमाइर छौरी देह आ आत्‍मा दुनु कनङके पबितर राखबै कैहके परभुके बारेमे धियान लगाइछै। महज बियाह करल जनि आपन घरबलाके कनङके खुस राखबै कैहके सन्‍सारके बातसबमे धियान दैछै।

१ कोरन्‍थी 7:34 Referans Kwoze

१ कोरन्‍थी 6:20

कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

२ कोरन्‍थी 11:28

ओतबे नै, सब मन्‍डलीसबके चिन्‍ता फिकरीके बोझ हमरमे छै।

रोमी 6:13

आपन देहके अंगसबके दुस्‍टताके साधनके रुपमे पाप करैले नै सोप, महज मिरतुसे जिबनमे आनल लोकसबके जखा अपनाके परमेस्‍वरमे सोप आ परमेस्‍वरके असल कामके लेल आपन देहके अङसबके सोप।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

२ कोरन्‍थी 8:16

परमेस्‍वरके धन्‍यबाद हेबे, परमेस्‍वर तोरासबके लेल हमरे जखा इक्‍छा तितसके हिरदयमे राइखदेल्‍कै।

१ तिमोथी 3:5

कथिलेत आपन घर परिबार असलसे नै चलाबे सकैबला कनङके मन्‍डलीके देखभाल करे सक्‍तै?

युहन्‍ना 10:13

ओइ बखत बनिहार भाइग जाइछै, कथिलेकी उ बनिहारी लोक चियै, तैल्‍याके उ भेंरासबके वस्‍ते नै करैछै।

१ कोरन्‍थी 7:33

महज बियाह करल लोक आपन घरबालीके कनङके खुस करबै तैमे धियान दैछै।

१ कोरन्‍थी 7:35

हम यि बात तोरासबके भलाइके लेल कहैचियौ, तोरासबके बियाह करैसे रोकैले नै चाहैचियौ, महज तुसब निक काम कैरके पुरा मनसे परभुके सेबा कर से कहैले चाहैचियौ।

१ तिमोथी 5:5

जै मसोमातनीके देखभाल करैबला कोइ नै छै, से मसोमातनी त आपन भरोसा परमेस्‍वरमे राखने रहैछै। उ दिन रात परमेस्‍वरमे बिन्‍तीभाव करैत रहैछै।