१ कोरन्‍थी 7:19 - मध्‍य पुरविया थारू

¹⁹ कथिलेत खतना करनाइ या नै करनाइ बरका बात नै चियै, महज परमेस्‍वरके आग्‍यापालन करनाइ सबसे बरका बात चियै।

१ कोरन्‍थी 7:19 Referans Kwoze

गलाती 6:15

नै त खतनाके कोनो महत्‍व छै, नै त बेखतनाके, महज मुल बात यि चियै कि परमेस्‍वर अपनासबके नया लोक बनाइनेछै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

परकास 22:14

उसब धैनके चियै, जे आपन बस्‍तर धोइबके साफ करैछै। उसब जिबनके गाछके फल खाइले आ ओइ सहरके देहरीसे भितर जाइले पाबतै।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

१ कोरन्‍थी 8:8

महज खाइबला चिजसबसे अपनासबके परमेस्‍वरके नजदिक नै पुगाबैछै। हमसब नहियोखेबै त कोनो नोक्‍सानी नै हेतै आ खेबो करबै त कोनो फैदो नै हेतै।

रोमी 3:30

कथिलेत परमेस्‍वर एकेटा छै। उ यहुदी आ गैर-यहुदी दुनुके बिस्‍बास दुवारा धरमी ठहराइछै।

युहन्‍ना 15:14

यदी तुसब हमर देल आग्‍यापालन करैचिही त, तुसब हमर सङी चिही।

मतीके लिखल सुसमाचार 5:19

अहै कारन आग्‍यासबमेसे सबसे छोट आग्‍याके नै मान्‍तै आ लोकसबके ओहिनङ करैले सिखाइतै, से स्‍वरगके राजमे सबसे छोट कहाइतै। महज जे उ आग्‍यासब पालन करतै आ सिखाइतै, स्‍वरगके राजमे उ बरका कहाइतै।