१ कोरन्‍थी 7:14 - मध्‍य पुरविया थारू

¹⁴ कथिलेत बिस्‍बास नै करैबला घरबला आपन बिस्‍बास करैबाली घरबालीके कारनसे पबितर हैछै आ बिस्‍बास नै करैबाली घरबाली आपन बिस्‍बास करैबला घरबलाके कारनसे पबितर हैछै। नै त ओइसबके धिया-पुतासब असुध हेतियै महज आब उसब परमेस्‍वरमे पबितर रहैछै।

१ कोरन्‍थी 7:14 Referans Kwoze

तितस 1:15

सुध मन भेल लोकसबके लेल सब चिज सुध रहैछै। महज पतित आ अबिस्‍बासीसबके लेल कोनोभी चिज सुध नै रहैछै, कथिलेकी ओइसबके मन आ सोचबिचार असुध रहैछै।

१ तिमोथी 4:5

कथिलेकी परमेस्‍वरके बचन आ परथनासे सब चिज पबितर हैछै।

रोमी 11:16

यदि रोटीके पहिन्‍का टुकरा परमेस्‍वरके चरहाइचियै त, उ सब रोटी पबितर हैछै। तहिनङे गाछके जैर पबितर छै त, तकर ठाइरसब सेहो पबितर हैछै।

परेरित 10:23

यि बात सुइनके पतरुस ओइसबके भितर लज्‍याके स्‍वागत-सत्‍कार करल्‍कै। तकर बिहानके पतरुस उइठके ओहैसबसङे गेलै आ परभुमे बिस्‍बास करैबलामेसे कुछ लोकसब योप्‍पासे ओकरसङे गेलै।

१ कोरन्‍थी 7:13

तहिनङे ककरो खिरिस्‍टमे बिस्‍बास नै करैबला घरबला छौ आ ओकर घरबला आपन घरबालीसङे रहैले चाहैछै त, घरबाली आपन घरबलाके नै त्‍यागे।