3 हमसब कोनो दिन स्वरगदुतसबके नियाय करबै से बात तोरासबके थाह नै छौ? यदि एहेन छै त यि जिबनमे साधारन झगरासब मिलेनाइ, कि बरका बात चियै?
तोरासबके याद करैबला बात यि चियौ कि, आपन अधिकारमे नै रहैबला आ आपन रहैयोबला ठाम छोरैबला स्वरगदुतसबके समेत परमेस्वर सबदिनके लेल बाइन्हके राखनेछै। उ नियायके बरका दिनमे सजाय दैकेलेल ओइसबके पतालके अन्हारमे बाइन्हके राखनेछै।
“तकरबाद उ आपन बमा कता भेल्हासबके कहतै, हे परमेस्वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।
यदि तोरासबमे एहेन झगरासब छौ त, तुसब कथिले बिस्बास नै करैबला लग जाइचिही? जैसबके मन्डलीमे कोनो मोलके नै ठानैछै?
काँटसबके बिचमे परेबला उसब चियै, जे कोइ सुनैछै महज पाछे जिबनके चिन्ता, धन, सुख-चैन के खातिर नै बरहे सकैछै।
“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्गीके बारेमे चिन्ता करैसे होसियार रह, नै त उ दिन नै सोचलहा बखतमे चैलएतौ।
कथिलेत डेमास सन्सारके मोहमे फैसके हमरा छोइरदेल्कै आ थेसलोनिकेमे चैलगेलै। केरसेन्स गलातियामे आ तितस दलमातियामे गेलछै।
सैनिक सेबामे भरती भेल लोक औरो धन्धा नै करैछै, कथिलेत ओइसबके उदेस्य आपन सेनापतीके खुस करनाइ रहैछै।
परमेस्वर त पाप करैबला स्वरगदुतोसबके बाकी नै राखल्कै, महज उसबके नरकके खाइधमे फेक देल्कै। ओइसबके नियाइके दिनतक पतालके अन्धकारमे बाइन्हके राखनेछै।
तुसब जकर आग्यापालन करैचिही ओकर दास हैचिही से तोरासबके थाह छौ। तुसब पापके दास भ्याके ओकर आग्यापालन करबिही त मरबिही, महज परमेस्वरके आग्यापालन करबिही त, तुसब ओकर अगा धरमी ठहरबिही।
तोरासबके देह खिरिस्टके अङ्गसब चियौ कैहके कि तोरासबके थाह नै छौ? कि हम खिरिस्टके अङ्गसब ल्याके बेस्यासबके अङ्ग बनाइबै? एहेन कहियो नै हेबे!
जे लोक बेस्यासङे जाइछै, उ लोक बेस्यासङे एके देह हैछै से बात कि तोरासबके थाह नै छौ? कथिलेत पबितर धरमसास्तरमे एहेन लिखल छै, “उ दुनु एके देह हैछै।”
तोरासबके देह पबितर आत्माके मन्दिर चियौ, जे पबितर आत्मा तुसब परमेस्वरसे पाबनेचिही आ उ तोरासबमे बास करैछौ, से बात तोरासबके थाह नै छौ? तुसब स्वयम आपने नै चिही।