१ कोरन्‍थी 6:2 - मध्‍य पुरविया थारू

² पबितर जनसब सन्‍सारके लोकसबके नियाइ करतै कैहके, कि तोरासबके थाह नै छौ? यदि तुसब सन्‍सारके लोकसबके नियाय करैचिही त, एहेन छोट से छोट झगरासब मिलाबैले नै सकैचिही?

१ कोरन्‍थी 6:2 Referans Kwoze

मतीके लिखल सुसमाचार 19:28

येसु उसबके कहल्‍कै, “साँचेके हम तोरासबके कहैचियौ, नया सिरिस्‍टीमे जहिया मानबके पुतर आपन महिमाके सिंहासनमे बैठतै, तहिया तुहुसब बारह सिंहासनमे बैठबही आ इजराएलके बारह कुलके नियाइ करबिही।

लुका 22:30

तब तुसब हमर राजमे हमरे सङे-सङे खेबही, पिब्‍ही आ इजराएलके बारहो कुलके नियाइ करैले राज गद्‍दीमे बैठबिही।”

परकास 20:4

तब हम सिंहासनसब आ ओइमे बैठलसबके देखलियै, जकरा नियाइ करैके अधिकार परमेस्‍वर देनेछेलै। तकरबाद हम येसुके गबाही आ परमेस्‍वरके बचन परचार करलासे मुरी कटलहासबके आत्‍मासब देखलियै। उसब जानबर या मुरतिके पुजा नै करनेरहै, नै त आपन कपार या हाथमे ओकर चेन्‍हा बनाइनेरहै। उसब फेरसे जिबित भेलै आ खिरिस्‍टसङे एक हजार बरिसतक राज करल्‍कै।

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’

२ कोरन्‍थी 4:18

हमसब देखैबला चिजसबमे नै, महज नै देखैबला चिजसबमे मन लगाइचियै, कथिलेकी जे चिजसब देखैबला छै, उ कुछ समयके लेल मातरे रहैछै, महज जे चिजसब नै देखाइछै उ सबदिनके लेल रहैछै।

१ कोरन्‍थी 6:4

यदि तोरासबमे एहेन झगरासब छौ त, तुसब कथिले बिस्‍बास नै करैबला लग जाइचिही? जैसबके मन्‍डलीमे कोनो मोलके नै ठानैछै?

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

रोमी 6:16

तुसब जकर आग्‍यापालन करैचिही ओकर दास हैचिही से तोरासबके थाह छौ। तुसब पापके दास भ्‍याके ओकर आग्‍यापालन करबिही त मरबिही, महज परमेस्‍वरके आग्‍यापालन करबिही त, तुसब ओकर अगा धरमी ठहरबिही।

१ कोरन्‍थी 1:20

बुधिमान लोक कते छै? धरमगुरु कते छै? अइ जुगके तरक-बितरक करैबला कते छै? कि परमेस्‍वर यि सन्‍सारके बुइधके मुरुख नै कैरदेल्‍कै?

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।