१ कोरन्‍थी 6:13 - मध्‍य पुरविया थारू

¹³ कोइ कहैछै, “भोजन पेटके लेल आ पेट भोजनके लेल चियै।” महज परमेस्‍वर दुनुके नास करतै। लोकके देह बेबिचारके लेल नै, महज परभुके लेल चियै आ देहके लेल आबस्‍यक चिज परभुवे बन्‍दोबस करैछै।

१ कोरन्‍थी 6:13 Referans Kwoze

१ कोरन्‍थी 6:19

तोरासबके देह पबितर आत्‍माके मन्‍दिर चियौ, जे पबितर आत्‍मा तुसब परमेस्‍वरसे पाबनेचिही आ उ तोरासबमे बास करैछौ, से बात तोरासबके थाह नै छौ? तुसब स्‍वयम आपने नै चिही।

१ कोरन्‍थी 3:16

तुसब परमेस्‍वरके मन्‍दिर चिही आ परमेस्‍वरके आत्‍मा तोरासबमे बास करैछौ, कि तुसब नै जानैचिही?

रोमी 6:12

अहैलेल देहके अभिलासा अनुसार चलैले नै परे कैहके तोरासबके मरनसिल देहमे पापके अधिन करैले नै दहै।

१ कोरन्‍थी 6:15

तोरासबके देह खिरिस्‍टके अङ्‍गसब चियौ कैहके कि तोरासबके थाह नै छौ? कि हम खिरिस्‍टके अङ्‍गसब ल्‍याके बेस्‍यासबके अङ्‍ग बनाइबै? एहेन कहियो नै हेबे!

एफिसी 5:23

कथिलेत घरबला घरबालीके सिर चियै, जनङ खिरिस्‍ट मन्‍डलीके सिर चियै, जे मन्‍डली ओकर देह आ उ स्‍वयम मन्‍डलीके मुक्‍ती दैबला चियै।

मतीके लिखल सुसमाचार 15:17

कि तुसब नै देखैचिही, जे लोकके मुहसे भितर जाइछै, तब उ पेटमे ज्‍याके देहसे बाहर निकैल जाइछै।

रोमी 14:17

कथिलेत परमेस्‍वरके राज खाइ-पियैबला चिज नै, महज पबितर आत्‍मासे आबैबला धारमिकता, सान्‍ती आ आनन्‍द चियै।

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

२ कोरन्‍थी 11:2

परमेस्‍वर तोरासबके करल वास्‍ता जखा हम्‍हु तोरासबके वास्‍ता करैचियौ, कथिलेकी हम त एक मातरे बर खिरिस्‍टसङे तोरासबके बियाह कैरदैके परतिग्‍या करनेचियौ। ओहैसे तोरासबके ओकर पबितर कुमाइर कनियाके रुपमे कनियादान करैके बिचार करनेचियौ।

२ कोरन्‍थी 5:15

उ सबके लेल मरलै, ताकि बाचैबलासब आबसे आपने लेल नै बाच्‍तै, महज ओकरलेल बाँचे, जे ओकरासबके खातिर मरलै आ फेनसे जिबित भ्‍याके उठ्‍यालगेलै।

रोमी 7:4

अहैलेल हे हमर भाइ-भैयासब, तुसब खिरिस्‍टसङे बेबस्‍थाके लेल मरल चिही त तुसब सेहो खिरिस्‍टेसङे मरलसे जिबित भ्‍याके एक भेलचिही, ताकी अपनासब परमेस्‍वरके लेल असल काम करैले सकी।

युहन्‍ना 6:49

तोरासबके पुरखा उजार जगहमे मन्‍न खेल्‍कौ, तैयो उसब मैरगेलौ।

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

मरकुस 7:19

उ त ओकर हिरदयमे नै महज पेटमे ज्‍याके बाहर निकैल जाइछै।” (अहिनङे येसु सब खाइबला खानाके सुध चियै कैहके समझेल्‍कै।)

मतीके लिखल सुसमाचार 15:20

अहै बातसबसे लोकके असुध बनाइछै। महज हाथ नै धुवाके खेलासे असुध नै करैछै।”

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।