१ कोरन्‍थी 6:1 - मध्‍य पुरविया थारू

¹ यदि तोरासबमेसे एक-दोसरके बिचमे झगरा भेल छौ त, तुसब नियाइके लेल परमेस्‍वरके पबितर जनलग नै ज्‍याके बिस्‍बास नै करैबला लग जाइले कनङके साहस करेसक्‍तै?

१ कोरन्‍थी 6:1 Referans Kwoze

परेरित 19:38

तै खातिर डेमेतेरियस आ ओकर सोनारसबके बिरोधमे कुछो बात कहनेछौ त अदालत छेबे करौ आ नियाइधिसोसब छेबे करौ। उसब एक-दोसरके बिरोधमे मुदा लरौक।

१ कोरन्‍थी 14:33

कथिलेत परमेस्‍वर गोलमालके परमेस्‍वर नै चियै, महज सान्‍तीके परमेस्‍वर चियै। जनङ सब मन्‍डलीमे भेल्‍हा सन्‍तसबके तौरतरिका अनुसार परमेस्‍वरके बिस्‍बासीसबमे छै।

१ कोरन्‍थी 16:1

यरुसलेममे रहल परमेस्‍वरके जनसबके लेल भेटी जम्‍मा करैके बिसयमे हम गलातियाके मन्‍डलीसबके जे कहने छेलियौ तहिनङे तुहुसब कर।

१ कोरन्‍थी 16:15

भाइसब तोरासबके थाहे छौ, कि स्‍तिफनासके परिबार अखैयामे बिस्‍बास करैबलासबमेसे पहिल्‍का चियै। उसब परमेस्‍वरके जनसबके सेबामे अपनाके अरपन करने छै।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

मतीके लिखल सुसमाचार 5:45

तब तुसब स्‍वरगमे रहैबला पिताके धियापुता हेब्‍ही। उ दुस्‍ट आ सज्‍जन दुनुके सुरुजके इजोत दैछै, तैहनङे धरमी आ पापी दुनु उपर पानी बरसाइछै।

१ कोरन्‍थी 5:12

कथिलेत मन्‍डली बाहरके लोकसबके नियाइ करनाइ हमर काम नै चियै। महज मन्‍डली भितरके लोकसबके नियाइ करैबला काम तोरासबके करैले नै परतौ से?

१ कोरन्‍थी 6:5

तोरासबके लाजमे पारैके लेल हम यि कहैचियौ। कि तोरासबके बिचमे भाइ-भैयारीके झगरा मिलाबैबला एकोटा बुधिमान लोक नै छौ से?