१ कोरन्‍थी 5:7 - मध्‍य पुरविया थारू

⁷ तोरासबके बिचसे पुरन्‍का खमिर हटा, तब तुसब खमिर बिनाके सुध अँटा हेब्‍ही। कथिलेत अपनासबके निस्‍तार पाबैनके थुमा, खिरिस्‍ट बली भ्‍याचुकल छै।

१ कोरन्‍थी 5:7 Referans Kwoze

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

युहन्‍ना 1:29

तकर बिहानके युहन्‍ना येसुके आपन दिसन आबैत देखके कहल्‍कै, “देख, यि सन्‍सारके पाप उठाके लजाइबला परमेस्‍वरके थुमा चियै।

परकास 5:12

उसब जोरसे अनङ कहैछेलै, “बलीके रुपमे मारलगेल थुमा अधिकार, धन, बुइध, बल, मान, आदर आ इस्‍तुती पाबैके योग्‍यके चियै!”

१ कोरन्‍थी 10:17

रोटी एकेटा छै आ हमसब बहुतो गोरे चियै तैयो एके देह चियै, कथिलेत हमसब एकेटा रोटीसे खाइचियै।

युहन्‍ना 19:14

तै बखत निस्‍तार पाबैनके तैयारीके दिन छेलै आ लगभग दुपहर भेल छेलै। नियाइ आसनमे बैठल पिलातस यहुदीसबके कहल्‍कै, “देख, तोरासबके रजा!”

मरकुस 14:12

अखमिरी रोटी पाबैनके पहिन्‍का दिनमे जब उसब निस्‍तार पाबैनमे भेंराके बैलभोग चरहाइछेलै, तब चेलासब ओकरा पुछल्‍कै, “अहाँके इक्‍छा कथी छै? हमसब कते ज्‍याके अहाँके खातिर निस्‍तार पाबैनके भोज तैयार करबै?”

युहन्‍ना 1:36

येसुके लगे बाटे जाइत देखके उ कहल्‍कै, “देख, एह्‍या चियौ परमेस्‍वरके थुमा।”

१ कोरन्‍थी 5:13

बाहरके लोकसबके नियाइ परमेस्‍वर करतै महज पबितर धरमसास्‍तरमे एहेन लिखल छै, “तुसब आपन बिचसे दुस्‍ट लोकसबके निकाइल दहै।”

मतीके लिखल सुसमाचार 13:33

तब येसु फेन ओइसबके दोसर खिसा कहल्‍कै, “स्‍वरगके राज रोटी फुलाइबला खमिर जखाछै, जे एकटा जनी पच्‍चिस किलो आँटामे मिल्‍याके सानल्‍कै आ उ जम्‍मे अँटा फुइल जाइछै।”

रोमी 3:25

परमेस्‍वर येसु खिरिस्‍टके अपनासबके पापके दन्‍डसे छुटकरा दैकेलेल बलिके रुपमे अइ सन्‍सारमे पठेल्‍कै। अपनासबके लेल येसु खिरिस्‍ट आपन लहु बहेल्‍कै कैहके बिस्‍बास करैबला लोकसब धरमी ठहरैछै। यि काम परमेस्‍वर आपन धारमिकता देखाबैके लेल करल्‍कै, कथिलेत उ आपनसबके पहिने करल पापके धियान नै देल्‍कै, कारन उ बहुत धिरजी छै।