१ कोरन्‍थी 3:3 - मध्‍य पुरविया थारू

³ कथिलेत तुसब अखुन्‍तो सन्‍सारके लोकसब जखा जिबन बिताबैचिही। यदि तोरासबके बिचमे डाह आ झगरा छौ त, कि तुसब सन्‍सारके औरो लोकसब जखा बेबहार नै करैचिही से?

१ कोरन्‍थी 3:3 Referans Kwoze

याकुब 3:16

जते डाह आ स्‍वारथ छै, ओते गन्‍जागोल आ सब परकारके दुस्‍ट कामसब हैछै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

गलाती 5:15

तुसब एक-दोसरके आपन बोलिसे जङली जानबर जखा दात काटैचिही आ नोच-नाच करैचिही त होस कर, नै त एक-दोसरके नास करबिही।

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

१ कोरन्‍थी 11:18

पहिल्‍का बात यि चियै कि जब तुसब मन्‍डलीमे एकसाथ भेला हैचिही, तोरासबके बिचमे बेमेल हैछौ कैहके हम सुन्‍ने चियौ। तै बातमे हम कुछ बिस्‍बासो करैचियौ।

१ कोरन्‍थी 1:11

कथिलेकी तोरासबके बिचमे झगरा छौ कैहके क्‍लोएके घरके लोकसबसे हम खबर पाबनेचियै।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

१ पतरुस 4:2

आबसे तुसब अइ पिरथिबीमे बाचै तलिक आपन जिबन लोकके जखा अधलाह इक्‍छामे नै, महज परमेस्‍वरके इक्‍छा अनुसारके जिबन बिता।

१ कोरन्‍थी 1:10

हे हमर भाइ-बहिनसब हम तोरासबके परभु येसु खिरिस्‍टके नाममे बिन्‍ती करैचियौ कि, तुसब एक दोसरसङे मिलजुइलके रह। तोरासबके बिचमे कोनो किसिमके मनमोटाब नै हेबे, महज तुसब एके मनके आ एके बिचारके हो।

१ कोरन्‍थी 3:4

तोरासबमेसे कोइ “हम पावलके” आ कोइ “हम अपोल्‍लोसके” चियै कहैचिही त, कि तुसब सन्‍सारके लोकसब जखा नै भेल्‍ही से?