१ कोरन्‍थी 2:6 - मध्‍य पुरविया थारू

⁶ तैयो परिपक भेल बिस्‍बासीसबके बिचमे अपनासब ग्‍यान-गुनके बात करैचियै, महज अइ जुगके ग्‍यान या अइ जुगके सासकसबके ग्‍यान नै, जे बितके जेतै।

१ कोरन्‍थी 2:6 Referans Kwoze

हिबरु 5:14

ठोस भोजन खाइबला परिपक्‍क लोक रहैछै। उसब दिमागके निरन्‍तर अभ्‍यास दुवारा असल आ खराब छुटियाबे सकैबला भेल रहैछै।

याकुब 3:15

एहेन बुइध स्‍वरगसे नै आबैछै, महज यि त सन्‍सारसे, लोकके आपन चाहनासे आ सैतानसे आबैछै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

१ कोरन्‍थी 2:8

अइ जुगके कोनो सासकसब परमेस्‍वरके बातके बुझैले नै सकल्‍कै। यदि उसब बुझने रहतियै त महिमाके परभुके कुरूसमे नै टाङतियै।

१ कोरन्‍थी 1:28

अइ सन्‍सारमे आपनके महान ठानैबलासबके बेरथ बनाबैके लेल परमेस्‍वर निच आ तुच्‍छ ठहरल लोकसबके चुनल्‍कै,

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

मतीके लिखल सुसमाचार 5:48

जनङ स्‍वरगमे रहैबला तोरासबके पिता सिध छौ, तोरोसबके ओहिनङे सिध हेबे परतौ।”

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

याकुब 3:2

बास्‍तममे अपनासब भुलचुकमे बहौतरा गल्‍ती करैचियै। बोलि-बचनमे कहियो गल्‍ती नै बाजैबला लोक सिध लोक चियै। उ लोक आपन पुरा सरिरमे लगाम लगाइले सक्‍तै।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

१ कोरन्‍थी 14:20

हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।

१ कोरन्‍थी 2:13

जे बात हमसब परचार करैचियै, उ बातसब कोनो लोकके बुइधसे सिखेल्‍हा बातसब नै, महज पबितर आत्‍मासे सिख्‍याल बात बोलैचियै आ पबितर आत्‍मा पाबलहा लोकसबके आत्‍मिक सतके बातसबके अरथ खोइलदैचियै।

१ कोरन्‍थी 2:1

हे हमर भाइ-भैयासब, हम तोरासबके लग परमेस्‍वरके बारेमे गबाही दैले आबैतखिना बरका-बरका बातसब आ बुइधके धाख नै देखेलियौ।

लुका 16:8

“यि बात थाह पाइबके ओकर मालिक ओइ बैमान मुन्‍सीके चाबसी देल्‍कै कथिलेत उ चलाकिसे काम करने रहै। कथिलेकी दुनियाके लोक आपनसङे औरो लोकसबसे बेबहार करैतखिना इजोतके धियापुतासे बेसी चलाक छै।

मतीके लिखल सुसमाचार 19:21

येसु ओकरा कहल्‍कै, “यदि तु साँचेके असल हैले चाहैचिही त, तोहरसङे भेल सब धन-सम्‍पती बेचके गरिबसबके बाइट दहै तब तोरा स्‍वरगमे धन मिल्‍तौ। तब आइबके हमर पछा लाग।”

मतीके लिखल सुसमाचार 13:22

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

१ कोरन्‍थी 3:1

हे हमर भाइ-भैयासब, हम तोरासबसङे बोलैतखिना आत्‍मिक लोकसबसङे बाजल जखा बाजैले नै सकलियौ महज सन्‍सारके लोकसबसङे बाजल जखा बाजल छेलियौ। खिरिस्‍टमे भरखर बिस्‍बास करल छोट बचासबसङे बाजल जखा बोललियै।

१ कोरन्‍थी 12:8

ककरो पबितर आत्‍मासे बुधिके बात बोलैबला, ककरो ओह्‍या पबितर आत्‍मा ग्‍यानके बात बोलैबला बरदान दैछै।

२ कोरन्‍थी 4:3

यदि हमरासबके करल सुसमाचार परचार झापल छै त, उ ओइसबके लेल झापल छै, जेसब नास हैले ज्‍यारहलछै।

कलस्‍सी 1:28

तैखातिर हमसब ग्‍यानमे सबलोकके चेताबनी आ सिक्‍छा दैत खिरिस्‍टके बारेमे परचार करैचियौ ताकी सबलोकके खिरिस्‍टमे परिपक बन्‍याके परमेस्‍वरके अगा लाबैले सकी।

हिबरु 6:1

ओहैसे खिरिस्‍टके बारेमे सुरुमे सिख्‍याल सिक्‍छासब छोइरके अपनासब परिपक सिक्‍छा दिसन बरहु। अपनासब मिरतुमे लजाइबला कामसबसे पस्‍चाताप आ परमेस्‍वरमे बिस्‍बास करैबला बात फेनसे नै कर।