6 सकभर हम तोरासबसङे कुछदिन रहबौ या हेतै त पुरे जार मास ओतै बिताइबौ। तकरबाद हम जते जेबै त तुसब हमर यातराके बन्दोबस करैले सकबिही।
एन्टिओखिया मन्डलीके सब बिस्बासीसबके ओतेसे जाइले छुट्टी देल्कै। उसब फोनिके आ सामरिया परदेस हैतगेलै आ ओतेका बिस्बासीसब कनङके गैर-यहुदीसब परभुके बिस्बास करल्कै से बातसब बिस्तारमे सुनाइल्कै। यि बात सुइनके ओतेका बिस्बासीसब बहुते खुसी भेलै।
ओहैसे हम इस्पेन परदेस जाइबखत बाटेमे तोरासबके भेटैके आसा करनेचियौ आ कुछ समय तोरासबसङे बिताबैके इक्छा करनेचियै। तब हमरा तुसब इस्पेन परदेस जाइले सहायता करबिही से आसा हम करनेचियौ।
जब हम, अरतिमास या त तुखिकसके तोहरलग पठेबौ, तु हमरा जल्दीसे भेटैले निकोपोलिस सहरमे आबिहे। कथिलेकी जार मास हम ओतै बिताबैके इक्छा कैने चियै।
हम माकेडोनिया परदेस जाइबेर तोरासबसे भेटघाट करबौ आ माकेडोनियासे घुइमके आबैतो काल तोरासबलग एबौ आ ओतेसे यहुदिया परदेस जाइबेर तुसब हमर लेल बेबस्था मिलाइबिही कैहके हम चाहैछेलियै।
अहैलेल कोइ नै ओकरा अपमान करे। महज सान्तीसे ओकरा आपन यातरामे पठ्यादहै आ उ हमरलग आबे। कथिलेकी भाइसबसङे एतै कैहके हम ओकर बाट ताकैचियै।
तिन महिना माल्टामे रहलाके बाद हमसब एकटा जहादमे चरहलियै जे जहाद जार मास ओतै बिताइने छेलै। उ जहाद अलेकजेन्डरियाके सहरके छेलै आ ओहैके अगिल्का भागके “जौवा देवताके” अकार बनाएल छेलै।
जार महिना बिताबैके लेल उ जहग उचित नै छेलै। अहै खातिर बहौत लोकसब कोनो भि हालतमे ओतेसे चैलके फोनिक्समे जार मास बिताइबै कैहके जहाद चलाबैले सल्लाह देल्कै। केरेट टपुके एक बन्दरगाह फोनिक्स चियै जकर मुहरा दछिन-पछिम आ उतर-पछिम तरफ घुमल छै।
जब जाइबला समय आइबगेलै तब हमसब बिदा भ्याके आपन रस्तामे अगा बरहलियै। चेलासब आपन घरबाली आ बाल-बच्चाकेसङे हमरासबके अरियातैले नगर बाहरतक एलै। हमसब समुन्दरके पखामे ठेङहुनिया द्याके परथना करलियै।
ओइसबके सबसे बेसी यि बातके दुख छेलै कि, “आबसे फेनो हमर मुह तुसब देखे नै पाबबिही।” तब ओकरा पानी जहादतक पहुचादेल्कै।
पावलके पुगाइले जाइबलासब ओकरा एथेन्स तक पुगादेल्कै। ओते पुइगके पावल ओइसबके हाथे सिलास आ तिमोथी सकभर जल्दीए आबे कैहके खबर पठाइल्कै।