11 अहैलेल कोइ नै ओकरा अपमान करे। महज सान्तीसे ओकरा आपन यातरामे पठ्यादहै आ उ हमरलग आबे। कथिलेकी भाइसबसङे एतै कैहके हम ओकर बाट ताकैचियै।
जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्बास आ पबितरतामे बिस्बासीसबके अगा एकटा नमुना बन।
यहुदा आ सिलास कुछदिन तक एन्टिओखियेमे रहलै। तकरबाद बिस्बासी भाइ-भैयारीसब ओकरासबके आसिरबाद देल्कै जेसब ओकरासबके पठाइने छेलै ओकरेसबके लग बिदा कैरदेल्कै।
तु बिस्बासीसबके यि सब बात पुरा अधिकारसे सिखाही, हौसला दहै आ हप्का। कोनो लोक तोरा हेला करे तैके मौका नै दहै।
तिमोथी तोरासबलग एतौ त, ओकरा कोनो किसिमके दिकत हैले नै दिहे, कथिलेकी ओहो हमरे जखा परभुके काम करैछै।
सकभर हम तोरासबसङे कुछदिन रहबौ या हेतै त पुरे जार मास ओतै बिताइबौ। तकरबाद हम जते जेबै त तुसब हमर यातराके बन्दोबस करैले सकबिही।
उसब तोहर परेमके बारेमे मन्डलीमे साक्छी देनेछै। तु परमेस्वरके नजरमे मनपरैबला हिसाबसे ओइसबके यातरामे अगा बरहैके लेल मदत करबिही त असल हेतौ।
अहैलेल यि सिक्छाके इन्कार करैबला लोकके नै, महज परमेस्वरके इन्कार करैछै, जे परमेस्वर आपन पबितर आत्मा तोरासबके देने छौ।
“जे तोरासबके बातसब मान्तौ, उ हमरो बातसब मान्तै आ जे तोरासबके इन्कार करतौ, उ हमरो इन्कार करतै आ जे हमरा इन्कार करतै, उ हमरा पठाइबलाके इन्कार करतै।”
एन्टिओखिया मन्डलीके सब बिस्बासीसबके ओतेसे जाइले छुट्टी देल्कै। उसब फोनिके आ सामरिया परदेस हैतगेलै आ ओतेका बिस्बासीसब कनङके गैर-यहुदीसब परभुके बिस्बास करल्कै से बातसब बिस्तारमे सुनाइल्कै। यि बात सुइनके ओतेका बिस्बासीसब बहुते खुसी भेलै।
हम माकेडोनिया परदेस जाइबेर तोरासबसे भेटघाट करबौ आ माकेडोनियासे घुइमके आबैतो काल तोरासबलग एबौ आ ओतेसे यहुदिया परदेस जाइबेर तुसब हमर लेल बेबस्था मिलाइबिही कैहके हम चाहैछेलियै।