१ कोरन्‍थी 15:4 - मध्‍य पुरविया थारू

⁴ उ गारलगेलै आ पबितर धरमसास्‍तर अनुसार तेसर दिनमे परमेस्‍वर ओकरा फेरसे जिबित करल्‍कै।

१ कोरन्‍थी 15:4 Referans Kwoze

मतीके लिखल सुसमाचार 12:40

कथिलेत जहिनङे योना तिन दिन आ तिन रात बरका माछके पेटमे छेलै, तहिनङे मानबोके बेटा तिन दिन आ तिन रात पिरथिबीके पेटेमे रहतै।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

रोमी 6:4

ओहैसे अपनासब सेहो ओकरसङे बप्‍तिस्‍मा दुवारा मैरके गारलगेलियै। जहिनङ सक्‍तिसाली परमेस्‍वर पिता आपन महिमा दुवारा येसु खिरिस्‍टके मरलसे जिबित करल्‍कै। आब अपनोसब पुरन्‍का जिबन जियैले छोइरके लया जिबनमे खिरिस्‍टसङे जिएपरतौ।

लुका 24:46

आ उसबके कहल्‍कै, “पबितर धरमसास्‍तरमे एहेन लिखल छै, मुक्‍ती दैबला खिरिस्‍टके दुख भोग्‍नाइ आ तेसर दिनमे जिके उठनाइ जरुरी छै,

लुका 24:26

कि खिरिस्‍टके यि सब दुख काइटके आपन महिमाके खातिर जाइसे पहिने जरुरी नै छेलै त?”

लुका 9:22

येसु ओकरासबके कहल्‍कै, “हम मानबके बेटाके बहुत दुख काटैले परतै आ उ अगुवा, मुल पुजारीसब, धरमगुरुसबसे इन्‍कार हेतै, मारल जेतै आ तेसर दिनमे मरके जि उठतै।”

कलस्‍सी 2:12

कथिलेत बप्‍तिस्‍मा लैतखिना तुसब खिरिस्‍टसङे गारल गेल्‍ही आ मरलसे खिरिस्‍टके जियाइबला परमेस्‍वरके सक्‍तीमे बिस्‍बास करलाके कारनसे खिरिस्‍टसङे जिबित भेलचिही।

परेरित 17:31

कथिलेत सन्‍सारके सब लोकसबके नियाइ करैके दिन उ तोइकदेने छै। ओइ दिन परमेस्‍वर आपनेसे छानल लोकसे सन्‍सारके उचित नियाय करतौ। ओइ लोकके नियाइ करैके अधिकार छै से परमान लोकसबके देबेखातिर परमेस्‍वर ओकरा मरलसे जियाइल्‍कै।”

परेरित 1:3

चालिस दिनतक कुरूसके मिरतुसे जिबित भ्‍याल परमान दैले बहुतो बेर ओइसबके अगा देखा परलै। उसब ओकरा देखल्‍कै आ ओकरासबसे परमेस्‍वरके राजके बारेमे बतेल्‍कै।

मरकुस 9:31

कथिलेत येसु आपन चेलासबके सिक्‍छा दैत कहल्‍कै, “मानबके बेटा लोकसबके हाथमे पकरल जेतौ, उसब ओकरा मारतौ आ तेसर दिनमे उ फेनो जिके उठतौ।”

मतीके लिखल सुसमाचार 20:19

तब ओकरा गैर-यहुदीसबके हाथमे सौपतै। ओकरा गिल्‍ला करतै, कोरासे पिटतै आ कुरूसमे टाङइके माइरदेतै। महज फेनो उ तेसर दिनमे जिबित भ्‍याके उठतै।”

मतीके लिखल सुसमाचार 16:21

ओह्‍या दिनसे येसु आपन चेलासबके खोइलके सब बात कहैले लाग्‍लै, “हम यरुसलेम जेबै आ ओते अगुवासब, मुल पुजारीसब आ धरमगुरुसबसे बहुत दुख भोग्‍बौ, मारल जेबौ आ तेसर दिनमे फेनो मिरतुसे जिके उठबौ।”

१ पतरुस 1:11

ओकरासबके भितरमे रहल खिरिस्‍टके आत्‍मा खिरिस्‍टके दुख भोगेपरतै आ पछा आबैबला महिमाके बारेमे पहिनेसे भबिसबानी करने रहै। तब उ समय कहिया आ कनङके एतै कैहके उसब खोज-तलास करने छेलै।

युहन्‍ना 19:38

तकरबाद अरिमाथिया नगरके योसेफ, जे यहुदीसबके डरके कारन गुप्‍तमे उ येसुके चेला रहै। उ येसुके लहास लजाइले दिय कैहके बिन्‍ती करल्‍कै। तब पिलातस अनुमति देल्‍कै आ ओकर लहास कुरूससे निचा उताइरके ल्‍यागेलै।