१ कोरन्‍थी 15:2 - मध्‍य पुरविया थारू

² हमर परचार करल उ सुसमाचारमे बिस्‍बास करैले नै छोरबिही त तुसब उदार पाबबिही, नै त तोरासबके करल बिस्‍बास बेरथ हेतौ।

१ कोरन्‍थी 15:2 Referans Kwoze

हिबरु 3:6

महज खिरिस्‍ट त घरके अधिकार पाबल बिस्‍बासयोग्‍य बेटा भ्‍याके सेबा करल्‍कै। यदि हमसब आपन आसामे अन्‍तिमतक भरोसा आ गर्‌भ कैरते रहबै त अपनोसब परमेस्‍वरके घरके सदस हेबै।

हिबरु 2:1

अहैलेल हमसब परमेस्‍वरके बारेमे जे सत बात सुनने चियै तहैमे औरो बेसीसे धियान दैलेपरतै, तब मातरे अपनासब सतके रस्‍तासे नै भटकबै।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

१ कोरन्‍थी 1:18

बिनास हैबला लोकसब कुरूसके समादके मुरुख बात ठानैछै, महज हमसब मुक्‍ती पाबैबलासबके लेल यि परमेस्‍वरके सक्‍ती चियै।

याकुब 2:26

जनङ परान बिनाके देह मरल रहैछै, तैहनङे कामबिनाके बिस्‍बास मरल रहैछै।

याकुब 2:14

हे हमर भाइ-भैयासब, यदी कोनो लोक “हम परमेस्‍वरमे बिस्‍बास करैचियै” त कहतै, महज ओकर इक्‍छा बमौजी नै चल्‍तै त कोन फाइदा? कि एहेन लोकके परमेस्‍वर बचाइतै त?

हिबरु 10:23

अपनासबके करल आसामे अस्‍थिर भ्‍याके कैसके पकैरके राख, कथिलेकी जे परतिग्‍या करने छै, उ बिस्‍बास योग्‍यछै।

लुका 8:13

पथलबला जमिनमे परलाहा उसब चियै, जे परमेस्‍वरके बचन सुइनके खुसिसाथ गरहन करैछै महज ओकर सिर नै हैके कारन ओकरासबके बिस्‍बास कुछ समयके लेल मातर हैछै। परिक्‍छाके बखत ओकरासबके पतन हैछै।

याकुब 2:17

बिस्‍बासो ओहिनङ हैछै। काम नै करैबला बिस्‍बास त मरल बिस्‍बास चियै।

हिबरु 4:14

स्‍वरगमे गेल परमेस्‍वरके बेटा येसु अपनासबके महान परधान पुजारी भेलाके कारन अपनासब ओकरमे करल बिस्‍बासमे असथिर भ्‍याके रह।

२ थेसलोनिकी 2:15

तहै खातिर भाइ-भैयासब, आपन बिस्‍बासमे अस्‍थिर भ्‍याके रह, उ चाहे बोलि-बचनसे हेबे, चाहे लिखल चिठीसे हेबे, तुसब जे सिक्‍छा पाबनेचिही ओकरा पकरने रह।

गलाती 3:4

कि तुसब अतहेक दुख बेरथमे काटलिही त? हम आस करैचियौ, कि तुसब बेरथमे दुख नै काटलिही।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

२ कोरन्‍थी 2:15

कथिलेकी हमरासबके जिबन परमेस्‍वर लग पुगैबला खिरिस्‍टके गमकौवा तेल जखा चियै। महज यि गमकौवा तेल मुक्‍ती पाबैबलासब गमक आ नास हैबलासब गनके रुपमे लैछै।

१ कोरन्‍थी 15:14

यदि खिरिस्‍ट मरलसे जीके नै उठलै त अपनासबके परचार बेरथ हैछै आ तोरोसबके बिस्‍बास बेरथ हेतौ।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

रोमी 11:22

परमेस्‍वर कतहेक दयालु आ कठोर छै से दुनुबात बिचार कर। उ बिस्‍बास नै करैबलासबके लेल कठोर हैछै महज तुसब ओकर अनुगरहमे सरन लेब्‍ही त उ तोरासबके दया देखाइतौ। नै त तोरासब काइटके फेकल ठाइर जखा हेब्‍ही।

परेरित 8:13

सिमोन सेहो बिस्‍बास करल्‍कै आ बप्‍तिस्‍मा लेल्‍कै। तब उ फिलिप सङे रहेलाग्‍लै, फिलिपके करल चेन्‍हासब आ अचमके काम करैत देखके ओकरा आस्‍चरज लाग्‍लै।

परेरित 2:47

आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

१ कोरन्‍थी 11:2

हम तोरासबके परसन्‍सा करैचियौ, कथिलेत तुसब सब बातसबमे हमरा याद करैचिही आ हम तोरासबके देल सिक्‍छासब पालन करैचिही।