१ कोरन्‍थी 15:10 - मध्‍य पुरविया थारू

¹⁰ महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

१ कोरन्‍थी 15:10 Referans Kwoze

फिलिप्‍पी 4:13

खिरिस्‍टके देल सक्‍तीसे हम सबचिज करैले सकैचियै।

२ कोरन्‍थी 3:5

कोनोभी बात हमरासबके तरफसे एलछै कैहके हमसब दाबी करैके योग्‍यके नै चियै, महज हमरासबके योग्‍यता परमेस्‍वरसे आबैछै।

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

गलाती 2:8

जनङ परमेस्‍वर पतरुसके यहुदीसबके बिचमे परचार करैले परेरित बनाइल्‍कै, तहिनङे हमरा गैर-यहुदीसबके बिचमे परचार करैले परेरित बनाइल्‍कै।

रोमी 12:3

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

२ कोरन्‍थी 12:11

हम त मुरुख जखा भेलियै, महज तुहिसब हमरा एहेन करैले कर लगेलिही। बास्‍तममे तोरेसबके हमर पक्‍छमे निक बात बोलैले परतियौ, कथिलेत हम किछो नै छेलियै तैयो महान परेरितसबसे त हम कम नै चियै।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

१ कोरन्‍थी 4:7

के तोरासबके औरोसे बरका बनेल्‍कौ? कि तोरासबसङे जे छौ, उ परमेस्‍वर नै देल्‍कौ? यदि तुसब उ पाबनेचिही त, कथिले घमन्‍ड करैचिही?

१ कोरन्‍थी 15:2

हमर परचार करल उ सुसमाचारमे बिस्‍बास करैले नै छोरबिही त तुसब उदार पाबबिही, नै त तोरासबके करल बिस्‍बास बेरथ हेतौ।

रोमी 11:1

ओहैसे आब हम तोरासबके कहैचियौ, “कि परमेस्‍वर आपनेसे छानल इजराएलीसबके त्‍यागने छै त?” कहियो नै! कथिलेत हम्‍हु एक इजराएली आ अबराहमके बंसमे जलमल बेन्‍यामिन कुलके चियै।

मतीके लिखल सुसमाचार 10:20

आ ओइ बखत बोलैबला तुसब नै महज परमेस्‍वर पिताके आत्‍मा तोरासबके दुवारा बोल्‍तौ।

१ कोरन्‍थी 3:6

हम बिया छिटलियै, अपोल्‍लोस पानी पटाइल्‍कै महज बरहाबैबला काम त परमेस्‍वरे करल्‍कै।

१ कोरन्‍थी 3:10

परमेस्‍वरके देल अनुगरहसे हम एकटा घर बनाइबला सिपालु मिसतिरी जखा जग खरा करलियै आ दोसर कोइ तैमे घर बनाबैछै। तैमे घर बनाइबला हरेक लोक कनङके बनाबैछै से निकसे धियान देबे।

१ कोरन्‍थी 15:11

तैखातिर चाहे हम, चाहे औरो परेरितसब, हमसब ओह्‍या परचार करैचियै, ओइमे तुसब बिस्‍बास करनेचिही।

१ थेसलोनिकी 5:12

हे हमर भाइसब तोरासबके हमसब आगरह करैचियौ कि जतहेक लोकसब तोरासबके बिचमे परभुके काम दिनरात एक कैरके मेहनत करैबला आ सर-सल्‍लाह दैबला अगुवासब चियौ, ओइसबके आदर कर।

१ तिमोथी 4:10

ओहै कारनसे हमसब एकदम मेहनत करैचियै आ हरदम सङघरसमे लागल रहैचियै। कथिलेकी अपनासबके आसा जिबित परमेस्‍वरमे छै। परमेस्‍वर सब मानब जातीके आ खास कैरके बिस्‍बासीके मुक्‍तीदाता चियै।

मतीके लिखल सुसमाचार 25:16

पाँचटा सोनाके डलर पाबैबला नोकर तुरन्‍त बेपारमे लगाइल्‍कै आ ओहैसे पाँचटा औरो सोनाके डलर कमाइल्‍कै।