१ कोरन्‍थी 14:4 - मध्‍य पुरविया थारू

⁴ जे आन भसामे बोलैछै, उ आपन आत्‍मिक बिरधी करैछै, महज जे अगमबानी बोलैछै, उ पुरे मन्‍डलीके आत्‍मिक बिरधी कराबैछै।

१ कोरन्‍थी 14:4 Referans Kwoze

१ कोरन्‍थी 14:22

जहिनङ आन भसासब बिस्‍बास करैबलासबके लेल नै महज बिस्‍बास नै करैबलासबके लेल चेन्‍हा चियै। तहिनङ अगमबानी त बिस्‍बास नै करैबलासबके लेल नै महज बिस्‍बास करैबलासबके लेल चेन्‍हा चियै।

१ कोरन्‍थी 14:26

हे हमर भाइ-भैयासब, आब हम कथी कहबौ? तुसब एकसाथ जम्‍मा हैचिही त कोइ भजन गाबैछै, कोइ सिक्‍छा दैछै, कोइ परमेस्‍वरसे परगट भेल बात कहैछै, कोइ आन भसा बोलैछै आ कोइ आन भसाके अरथ खोइलदैछै। यि सब बातसबसे मन्‍डलीके आत्‍मिक तवरसे बिरधी कराबैछै।

मरकुस 16:17

तब बिस्‍बास करैबलासब यि काम करतै- उसब हमर नाममे भुतसब भगाइतै, आन भसासब बोल्‍तै,

१ कोरन्‍थी 14:12

तहिनङे तुसब आत्‍मिक बरदानसबके खातिर एकदमसे इक्‍छा करलासे, उ बरदानसब बेसिसे परयोग कर। अनङ करबिही त मन्‍डलीके बिस्‍बासीसब आत्‍मिक तवरसे बलगर हेतै।

१ कोरन्‍थी 14:5

तु सबकोइ आन भसा बोल कैहके हम चाहैचियौ, महज ओकरसे बेसि तुसब अगमबानी बोल कैहके हम चाहैचियौ। कथिलेत आन भसामे बोलेसे त बरु अगमबानी बोलनाइ बरका चियै। आन भसाके अरथ खोइल दैबला लोक रहतै तब मातरे मन्‍डलीके बिस्‍बासीसबके आत्‍मिक तवरमे बलगर बनाइतै।

१ कोरन्‍थी 14:3

महज जे अगमबानी बोलैछै, उ दोसर लोकसबके आत्‍मिक रुपमे बौकार बनाबैछै, हौसला दैछै आ सान्‍तबना दैछै।

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

रोमी 14:19

तैल्‍याके अपनासब उ बातसबके अनुसरन कर जे बात सान्‍ती लाबैछै आ एक-दोसरके बिस्‍बासमे बलगर बनाइले मदत करैछै।

१ कोरन्‍थी 12:10

ओह्‍या पबितर आत्‍मा ककरो अचमके काम करैबला, ककरो अगमबानी बोलैबला, ककरो आत्‍मासब छुटयाबैबला, ककरो बहौत किसिमके भसासब बोलैबला आ ककरो भसासबके अरथ खोलैबला बरदान दैछै।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 13:1

यदि हम लोकसबके किसिम-किसिमके भसा आ स्‍वरगदुतसबके भसामे बाज्‍बै महज हमरमे परेम नै छै त, हम टिङ-टिङ बजैबला घन्‍टी या झाइ-झाइ करैबला झाइल मातरे हेबै।