१ कोरन्‍थी 13:7 - मध्‍य पुरविया थारू

⁷ परेम सब बात सहैछै आ सब बातमे बिस्‍बास करैछै, सब बातमे आसा राखैछै आ सब बातमे अस्‍थिर रहैछै।

१ कोरन्‍थी 13:7 Referans Kwoze

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

१ कोरन्‍थी 13:4

परेम सहनसिल आ दयालु हैछै। परेम डाह नै करैछै, नै आपनके बरका ठानैछै आ नै घमन्‍ड करैछै।

२ तिमोथी 2:24

परभुके सेबक लराइ करैबला आ झगरिया नै हैकेचाही, महज सब लोकसबसे मिलजुइलके रहैबला हैकेचाही, दोसरके सिखाबे सकैबला आ सब बात सैहके रहे सकैबला हेबेपरतै।

१ पतरुस 2:24

हमसब पापके लेल मैरके धारमिकताके लेल जियैले सकि कैहके खिरिस्‍ट अपनासबके पापसबके खातिर आपन देहमे पाप बोइकके कुरूसमे मरलै। ओकर चोटसबसे तुसब निक भेलचिही।

१ कोरन्‍थी 9:12

यदि तोरासबसे औरो परचार करैबलासब मुनासिब हकके दाबी करैछौ त कि हमरासबके झन बेसी हक नै छै? महज यि हक हमसब उपयोग नै करनेचियै। खिरिस्‍टके सुसमाचार सुनाबैले कोनो बाधा नै हेबे कैहके सबकुछ सैहके रहैचियै।

गलाती 6:2

एक-दोसरके भार उठा। अहिनङ कैरके तुसब खिरिस्‍टके आग्‍या पुरा करबिही।

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

याकुब 1:12

उ लोक धैनके चियै, जे आपत-बिपतमे अस्‍थिर रहैछै, कथिलेकी जाँचके सामना करलाके बाद उ जिबनके मुकुट पाबतै, जे परमेस्‍वरके परेम करैबलासबके परमेस्‍वर दैले परतिग्‍या करने छै।

२ थेसलोनिकी 1:4

अहै खातिर सब परकारके सताबट आ कस्‍ट सैहरहल साहस देखके अस्‍थिर आ बिस्‍बासके बारेमे मन्‍डलीके बिचमे हमसब गौरब करैचियै।

२ तिमोथी 3:11

हम एन्‍टिओखिया, आइकोनियन आ लुस्‍तरा सहरमे केहन-केहन दुख भोगे परलै, से बात तु निक जखा जानैचिही। महज परभु हमरा ओइ सब आफत-बिपतसबसे बचेल्‍कै।

रोमी 15:1

अपनासब बिस्‍बासमे बौकार भेल लोकसब आपने मातरे खुसी नै बल्‍की बिस्‍बासमे कमजोर भेल लोकसबके धिरजसाथ सहायता करैले परतौ।

मतीके लिखल सुसमाचार 10:22

हमर खातिर तुसब लोकसबसे घिरनित हेब्‍ही। महज जे अन्‍तिम दिनतक स्‍थिर रहतै, उ उदार पाबतै।

हिबरु 13:13

ओहैलेल अपनोसब सहरसे बाहर येसु लग चल आ ओकरे जखा अपनोसब अपमान सह।

रोमी 8:24

कथिलेत अहै बरका आसाके लेल परमेस्‍वर अपनासबके बचेल्‍कै आ हमसब अहै आसामे बाचल चियै। आसा त अपनासबके नै देखल चिज पाबैले असिएनाइ चियै। लोक पहिने पाबलहा चिजके आसा नै करैछै।

मरकुस 9:23

तब येसु ओकरा कहल्‍कै, “कथिले सक्‍बै कहैचिही? बिस्‍बास करैबलाके लेल सबकुछ सम्‍भब हैछै।”