१ कोरन्‍थी 13:2 - मध्‍य पुरविया थारू

² हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

१ कोरन्‍थी 13:2 Referans Kwoze

१ युहन्‍ना 4:8

परेम नै करैबला परमेस्‍वरके नै चिन्‍हैछै कथिलेत परमेस्‍वर परेम चियै।

१ कोरन्‍थी 13:3

यदि हम आपन सब धन-सम्‍पैत गरिबसबके बाइट देबै आ आपन देह सेहो जराइले देबै महज हमरमे परेम नै छै त, हमरा किछो फाइदा नै हेतै।

मतीके लिखल सुसमाचार 17:20

येसु उसबके जबाफ देल्‍कै, “तोरासबके बिस्‍बासमे कमि भेलाके कारन अनङ भेलै। साँचोके हम तोरासबके कहैचियौ, यदी तोरासबमे रायके बिया बराबर बिस्‍बास रहतौ त यि पहारके ‘अतसे हैट जो’ कहबिही त हैटजेतौ आ तोरासबके लेल कोनो चिज असम्‍भब नै हेतौ।

१ कोरन्‍थी 16:22

कोइ परभुके परेम नै करतै त उ सरापित हेबे। हे अपनासबके परभु, आबु!

मतीके लिखल सुसमाचार 21:21

तब येसु उसबके जबाफ देल्‍कै, “साँचेके हम तोरासबके कहैचियौ, यदी तोरासबमे बिस्‍बास छौ आ सङका नै कैरके यि अन्‍जिरके गाछके जे हम करलियै अतबेक नै, महज यि पहारके ‘तु अतेसे उखैरके समुन्‍दरमे खस’ कहबिही त तहिनङे हेतौ।

एफिसी 3:4

हमर लिखल बात परबिही त, हम खिरिस्‍टके रहसके बात कतहेक बुझने चियै से बात तोरासबके मालुम हेतौ।

१ कोरन्‍थी 13:1

यदि हम लोकसबके किसिम-किसिमके भसा आ स्‍वरगदुतसबके भसामे बाज्‍बै महज हमरमे परेम नै छै त, हम टिङ-टिङ बजैबला घन्‍टी या झाइ-झाइ करैबला झाइल मातरे हेबै।

गलाती 5:16

अहैले हम कहैचियौ, पबितर आत्‍माके अगुवाइसे चल आ लोक आपन पापी स्‍वभाबके ललसा पुरा नै कर।

कलस्‍सी 1:26

यि बात जुगो-जुग आ पुस्‍तो-पुस्‍ताके लोकसब बुझैले नै सकल छेलै महज आब उ खिरिस्‍टके पबितर जनसबके परकट कैरदेनेछै।

गलाती 6:3

यदि कोनो मोलके नै भेल्‍हा लोक आपनके बरका ठानैछैत, उ आपनेके धोखा दैछै।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 7:19

कथिलेत खतना करनाइ या नै करनाइ बरका बात नै चियै, महज परमेस्‍वरके आग्‍यापालन करनाइ सबसे बरका बात चियै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

एफिसी 6:19

हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

१ कोरन्‍थी 4:1

तुसब हमरासबके खिरिस्‍टके सेबकसब आ परमेस्‍वरके रहसके बात परकट करैबला सम्‍झैले परतौ।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

मतीके लिखल सुसमाचार 21:19

रस्‍ताके कातमे एकटा अन्‍जिरके गाछ देखल्‍कै आ उ लगमे गेलै महज ओइ गाछमे पता बाहेक औरो कुछो नै भेटलै। तब येसु उ गाछके कहल्‍कै, “आबसे तोरामे कहियो फल नै फरे।” तखुन्‍ते उ गाछ सुइखगेलै।

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।

२ कोरन्‍थी 12:11

हम त मुरुख जखा भेलियै, महज तुहिसब हमरा एहेन करैले कर लगेलिही। बास्‍तममे तोरेसबके हमर पक्‍छमे निक बात बोलैले परतियौ, कथिलेत हम किछो नै छेलियै तैयो महान परेरितसबसे त हम कम नै चियै।

१ कोरन्‍थी 14:39

अहै खातिर हे भाइ-भैयासब, अगमबानी बाजैले उटकट इक्‍छा राख आ आन भसा बाजैले मनाही नै कर।

१ कोरन्‍थी 8:4

तैखातिर मुरुतिके चरह्‍याल खाइले मिलैछै कि नै मिलैछै तैके बारेमे हमसब जानैचियै कि, सन्‍सारके मुरती किछो नै चियै आ एक मातरे परमेस्‍वर बाहेक औरो कोइ नै छै।

परेरित 13:1

एन्‍टिओखिया सहरके मन्‍डलीमे अगमबक्‍तासब आ सिक्‍छा दैबला लोकसब रहै। उसब बरनाबास, करिया कहाइबला सिमियोन, कुरेनीमे रहैबला लुकियस, रजा हेरोदेसङे पालन-पोसन भेल मनेन आ साउल रहै।

रोमी 15:14

हे हमर भाइ-भैयासब, हम जानैचियै कि तुसब असल चिही, सब परकारके ग्‍यानसे भरपुर आ एक-दोसरके सिक्‍छा दैले योग्‍यके चिही।

१ कोरन्‍थी 11:4

जे पुरुख आपन सिर झाइपके परथना या अगमबानी बोलैछै, उ आपन सिरके अपमान करैछै।

१ कोरन्‍थी 13:8

परेमके कहियो अन्‍त नै हैछै। अगमबानीसब बितके जेतै, भसासब बन भ्‍याजेतै आ ग्‍यान हर्‌या जेतै।

१ कोरन्‍थी 14:4

जे आन भसामे बोलैछै, उ आपन आत्‍मिक बिरधी करैछै, महज जे अगमबानी बोलैछै, उ पुरे मन्‍डलीके आत्‍मिक बिरधी कराबैछै।

१ कोरन्‍थी 14:29

अगमबानी बोलैबला दुइ या तिन गोरा हेबे आ ओइसबके बोलल बात ठिक छै कि नै छै से औरोसब जाँच करे।

१ कोरन्‍थी 15:51

सुन! हम तोरासबके एकटा रहसके बात कहैचियौ, अपनासब कोइ नै मरबिही, महज सबकोइ परिबरतन हेतै।