१ कोरन्‍थी 13:13 - मध्‍य पुरविया थारू

¹³ आब बिस्‍बास, आसा आ परेम यि तिन बात रहैछै, महज ओइमेसे सबसे बरका परेम चियै।

१ कोरन्‍थी 13:13 Referans Kwoze

१ कोरन्‍थी 16:14

जे काम करैचिही, उ परेमसे कर।

कलस्‍सी 3:14

यि सब गुनसबसे बेसी परेमके धारन कर कथिलेत परेमे सब बातके पुरा एकतामे आनैछै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

फिलिप्‍पी 1:9

हमर परथना एह्‍या चियै, कि तुसब परेम आ ठिक-बेठिक छुटयाबैबला बुइधमे झन-झन परसस्‍त कैरके बैढते जाय,

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

१ युहन्‍ना 2:10

आपन भाइके परेम करैबला इजोतमे रहैछै आ ओकरमे दोसरके बाधा दैबला कोनो बात नै रहैछै।

१ थेसलोनिकी 5:8

महज अपनासब दिनके धियापुता भेलाके कारन, चौकल रह। अपनासब बिस्‍बास आ परेमके कबच लगा आ मुक्‍तीके आसाके टोपी पिन्‍हके होसियार रह।

२ कोरन्‍थी 5:10

कथिलेकी हम सबगोरा खिरिस्‍टके नियाय आसनके सामने खरा हैलेपरतै। ताकी हमसब अइ देहमे करल असल या खराब काम अनुसारके परतिफल पाब्‍बै।

१ कोरन्‍थी 8:3

महज जे लोक परमेस्‍वरके परेम करैछै, परमेस्‍वर ओकरा चिन्‍हैछै।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

१ युहन्‍ना 3:9

परमेस्‍वरके बेटा-बेटी पाप नै करैतरहैछै कथिलेत परमेस्‍वरके स्‍वभाब ओकरमे रहैछै। उ पाप करे नै सकैछै कथिलेत उ परमेस्‍वरसे जलमल रहैछै।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।

१ युहन्‍ना 2:14

हौ बाबुसब, हम अहाँसबके लिखैचियै, कथिलेकी जे सुरुवेसे चियै ओकरा अहाँसब चिन्‍हने चियै। हे कन्‍की धियापुतासब, हम तोरासबके लिखैचियौ। कथिलेत तुसब परमेस्‍वर पिताके चिन्‍हनेचिही। हे जबानसब, हम तोरासबके यि लिखैचियौ, कथिलेकी तुसब बौकार चिही आ परमेस्‍वरके बचन तोरासबके हिरदयमे रहलाके कारन तुसब दुस्‍ट सैतानके जितलेने चिही।

हिबरु 6:19

जनङ एकटा लङगर जहाजके अस्‍थिर राखैछै तहिनङ यि आसा अपनासबके सुरक्‍छीत आ अस्‍थिर राखैछै। उ आसा येसु चियै। उहे अपनासबके स्‍वरगिय मन्‍दिरके परदा भितर महापबितर ठाममे गेलै।

२ तिमोथी 1:7

कथिलेत परमेस्‍वर अपनासबके डरके आत्‍मा नै महज, सक्‍ती, परेम आ आपनके बसमे राखैबला आत्‍मा देनेछै।

हिबरु 6:11

यह्‍या हमरासबके इक्‍छाछै कि तोरासबके यि जोस आखिरतक हेबे आ तोरासबके आसा पुरा हेबे।

२ कोरन्‍थी 5:15

उ सबके लेल मरलै, ताकि बाचैबलासब आबसे आपने लेल नै बाच्‍तै, महज ओकरलेल बाँचे, जे ओकरासबके खातिर मरलै आ फेनसे जिबित भ्‍याके उठ्‍यालगेलै।

१ कोरन्‍थी 14:1

परेम करैबला बातमे लागल रह आ आत्‍मिक बरदानसब पाबैके लेल उतकट इक्‍छा राख। खास कैरके अगमबानीके बरदानसब बोलैके लेल इक्‍छा कर।

१ कोरन्‍थी 3:14

यदि जे लोकके काम आइगसे नास नै हेतै त, उ लोक इनाम पाबतै।

१ युहन्‍ना 2:24

तै खातिर जे बात तुसब सुरुसे सुन्‍ने चिही, तकरा आपन मनमे राखने रह। यदि उ तोरासबके मनमे रहतौ त, तुहुसब बेटा आ पिताके मनमे बास करबिही।

लुका 22:32

महज तोहर बिस्‍बास नै डगमगावे कैहके हम तोहर लेल परथना करनेचियौ आ फेनो तु हमर दिसन घुइमके एलाकेबाद तोहर भाइसबके अस्‍थिर करा।”

लुका 10:27

तब उ कहल्‍कै, “तु परमपरभु आपन परमेस्‍वरके आपन पुरे मनसे, पुरे परानसे, पुरे सक्‍तीसे आ पुरे बुइधसे परेम कर तब आपन परोसियाके आपने जखा परेम कर।”

हिबरु 10:39

महज हमसब पछा हटैबला आ नास हैबला लोक नै चियै, हमसब त बिस्‍बास कैरके मुक्‍ती पाबैबला लोकसब चियै।

१ कोरन्‍थी 8:1

आब हम मुरुतिके चरह्‍याल खाइबला चिजके बारेमे कहैचियौ। अपनासब जान्‍बे करैचियै कि, अकर बारेमे अपनासब सङे ग्‍यान छै। ग्‍यान लोकके घमन्‍डी बनाबैछै महज परेम लोकके उन्‍नती कराबैछै।

रोमी 15:13

तुसब आसा दैबला परमेस्‍वरमे बिस्‍बास करनेचिही। ओह्‍या तोरासबके आनन्‍द आ सान्‍तीसे भैरदेबे। तहिनङे पबितर आत्‍माके सक्‍तिसे तोरासबके आसा बैढते जाय।

हिबरु 10:35

अहैलेल तुसब आपन यि भरोसा नै तियाग। तोरासबके अकर बरका इनाम मिल्‍तौ।

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।