१ कोरन्‍थी 12:6 - मध्‍य पुरविया थारू

⁶ तहिनङे कामसब बहौत किसिमके छै, महज सबके जिबनमे काम करैबला सक्‍ति ओह्‍या परमेस्‍वर दैछै।

१ कोरन्‍थी 12:6 Referans Kwoze

१ कोरन्‍थी 12:11

यि सब एके पबितर आत्‍माके काम चियै। उ आपन इक्‍छा अनुसार सब कोइके अलग-अलग किसिमके बरदान दैछै।

१ कोरन्‍थी 3:7

तैखातिर बिया छिटैबला आ पानी पटाबैबला बरका नै चियै, महज बरहाबैबला परमेस्‍वरे सबसे बरका चियै।

युहन्‍ना 5:17

महज येसु उसबके जबाफ देल्‍कै, “हमर पिता अखनियोतक काम कैरते छै आ हम्‍हु काम कैरते चियै।”

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

एफिसी 4:6

सबके परमेस्‍वर पिता एके छै। वह्‍या सबकोइ उपर राज करैछै, सब कोइसे काम करैछै आ सब कोइके हिरदयमे बास करैछै।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

कलस्‍सी 1:29

खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

१ कोरन्‍थी 15:28

जब सब चिज खिरिस्‍टके अधिनमे राखैछै तब बेटा स्‍वयम परमेस्‍वरके अधिनमे रहैछै। जे सबचिज आपन बेटाके अधिनमे राइखदेनेछै ताकी परमेस्‍वर सब चिज उपर अधिकार करे।

१ कोरन्‍थी 12:5

सेबा बहौत किसिमके छै, महज अपनासब एकेटा परभु सेबा करैचियै।