१ कोरन्‍थी 12:13 - मध्‍य पुरविया थारू

¹³ हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।

१ कोरन्‍थी 12:13 Referans Kwoze

एफिसी 4:5

एके परभु, एके बिस्‍बास आ एके बप्‍तिस्‍मा छै।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।

रोमी 3:29

कि परमेस्‍वर यहुदीसबके मातरे परमेस्‍वर चियै? कि परमेस्‍वर गैर-यहुदीसबके परमेस्‍वर नै चियै से? साँचे, उ त सबके परमेस्‍वर चियै।

परेरित 1:5

युहन्‍ना त पानीसे बप्‍तिस्‍मा देल्‍कै, महज आबके कुछ दिनमे तुसब पबितर आत्‍मासे बप्‍तिस्‍मा हेब्‍ही।”

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

लुका 3:16

तब युहन्‍ना ओकरासबके जबाब देल्‍कै, “हम त तोरासबके पानीसे बप्‍तिस्‍मा दैचियौ, महज एक गोरा जे आइबरहल्‍छौ उ हमरोसे बरका छै, जकर हम जुताके फितो तक खोलैके जोकरके नै चियौ। उ तोरासबके पबितर आत्‍मा आ आइगसे बप्‍तिस्‍मा देतौ।

मतीके लिखल सुसमाचार 3:11

“हम पस्‍चातापके खातिर तोरासबके पानीसे बप्‍तिस्‍मा देबौ, महज हमरसे पाछे जे आबैबला छै, उ हमरोसे सक्‍तिसाली छै, जकर हम जुतो बोकैके जोकर नै चियै। उ तोरासबके पबितर आत्‍मा आ आइगसे बप्‍तिस्‍मा देतौ।

एफिसी 5:26

खिरिस्‍ट मन्‍डलीके बचन रुपी पानीसे धोइबके सुध आ पबितर बनाइल्‍कै।

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

युहन्‍ना 1:33

साँचोके उ के चियै से हम नै चिन्‍है छेलियै, महज जे हमरा पानीसे बप्‍तिस्‍मा दैले पठाइल्‍कै ओह्‍या हमरा कहल्‍कै, जकर उपरमे पबितर आत्‍मा उतैरके बैठल देखबिही ओह्‍या पबितर आत्‍मासे बप्‍तिस्‍मा दैबलाहेतौ।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

गलाती 3:23

खिरिस्‍टमे बिस्‍बास करैबला बाट परकट नै हैसे पहिने हमसब बेबस्‍थाके अधिनमे छेलियै आ हमसब कैदी जखा भेलछेलियै।

१ कोरन्‍थी 10:2

बादल ओइसबके रस्‍ता देखाइत ल्‍यागेलै आ उसब समुन्‍दरके बिच हैत मोसाके पछा गेलै आ यि उसबके लेल बप्‍तिस्‍मा ल्‍याल जखा भेलै।

युहन्‍ना 6:63

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

एफिसी 6:8

यि बात तोरासबके थाहे छौ, चाहे दास हेबे आ चाहे स्‍वतन्‍तर हेबे, असल काम करैबला सबके परभु इनाम दैछै।

रोमी 4:11

ओकर खतना बिस्‍बास दुवारा धरमी ठहरल चेन्‍हा चियै। अहिनङ कैरके उ खतना नै करल महज परमेस्‍वरमे बिस्‍बास कैरके धरमी ठहरैबला लोकसबके आत्‍मिक पुरखा भेलै।

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।