१ कोरन्‍थी 12:11 - मध्‍य पुरविया थारू

¹¹ यि सब एके पबितर आत्‍माके काम चियै। उ आपन इक्‍छा अनुसार सब कोइके अलग-अलग किसिमके बरदान दैछै।

१ कोरन्‍थी 12:11 Referans Kwoze

१ कोरन्‍थी 12:4

पबितर आत्‍माके बरदानसब बहौत किसिमके छै, महज बरदान दैबला पबितर आत्‍मा एके चियै।

हिबरु 2:4

परमेस्‍वर बहुतरा चेन्‍हासब देखाके बहुत किसिमके आस्‍चरजके कामसब आ सक्‍तीसाली कामसब करैत उ आपन इक्‍छा बमोजिम पबितर आत्‍माके दान-बरदानसब द्‍याके यि बातके गबाही देल्‍कै।

२ कोरन्‍थी 10:13

हमसब आपन अधिकारके सिमासे बाहर ज्‍याके घमन्‍ड नै करैचियै, महज परमेस्‍वरके तोकल सिमामे रैहके गर्‌भ करैचियै आ ओइसबके बिचमे काम करैके लेल सेहो ओहै सिमा भितर रैहके करैचियै।

एफिसी 4:7

महज खिरिस्‍ट आपन अनुगरहके बरदान त आपन नाप अनुसार सब कोइके देनेछै।

१ कोरन्‍थी 12:6

तहिनङे कामसब बहौत किसिमके छै, महज सबके जिबनमे काम करैबला सक्‍ति ओह्‍या परमेस्‍वर दैछै।

याकुब 1:18

उ आपन इक्‍छा अनुसार सत बचनसे अपनासबके लबका जलम देल्‍कै, ताकी हमसब ओकर सिरिस्‍टीके एकटा पहिल्‍का फल जखा भ्‍यासकी।

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।

१ कोरन्‍थी 7:17

चाहे जे हेबे, परभु जकरा जनङके खटाइनेछौ आ जे बरदान देनेछौ, उ तहिनङके जिबन बिताबे। सब मन्‍डलीसबके लेल हमर नियम एह्‍या चियै।

१ कोरन्‍थी 7:7

सबलोक हमरे जखा बियाह नै कैरके रहे से हमर इक्‍छाछै। महज कोनो लोक परमेस्‍वरसे बियाह करैबला बरदान पाबने छै त कोनो लोक नै करैबला।

रोमी 12:6

परमेस्‍वरके अनुगरहसे अपनासबके फरक-फरक किसिमके बरदानसब देनेछै ओहै अनुसार काम करे। यदि जकरसङे अगमबानी बोलैबला बरदान छै त उ आपन बिस्‍बास अनुसार ओकर तरफसे अगमबानी बोले।

रोमी 9:18

ओहैसे परमेस्‍वर जकरा दया करैले चाहैछै, तकरा दया करैछै आ जकर मनके कठोर बनाबैले चाहैछै, तकर मनके कठोर बनाइछै।

युहन्‍ना 5:21

कथिलेत जहिनङ पिता मरलाहासबके जियाबैछै आ ओकरासबके जिबन दैछै, तहिनङ बेटो जकरा मन करैछै तकरा जिबन दैछै।

युहन्‍ना 3:27

युहन्‍ना जबाफ देल्‍कै, “जाबेतक परमेस्‍वरसे नै देतै ताबे तक लोकके कुछो नै मिल्‍तै।

युहन्‍ना 3:8

हबाके जने बहैले मन लागैछै तने बहैछै। हबाके अबाज त तुसब सुनैचिही, महज कतेसे आबैछै आ कते जाइछै से नै जानैचिही। ओहिनङ लोकसब आत्‍मासे कनङ जलम लैछै से बात तु नै जानैचिही।”

मतीके लिखल सुसमाचार 20:15

कि आपन इक्‍छा लागल लोकके आपने पैसा-कौरी दैले हमरा अधिकार नै छै? हम ओकरा दया करलियै त तोरा कथिले डाह हैछौ’?”

मतीके लिखल सुसमाचार 11:26

हँ पिता, कथिलेत अहाँके अहिनङ करैले असल लागल।

१ कोरन्‍थी 12:18

महज परमेस्‍वर आपन इक्‍छा अनुसार देहके सब अङके मिल्‍याके राइखदेनेछै।