१ कोरन्‍थी 1:7 - मध्‍य पुरविया थारू

⁷ अपनासबके परभु येसु खिरिस्‍ट फेनसे एतै कैहके बाट ताकैतखिना तोरासबमे कोनो आत्‍मिक बरदानके कमी नै हेतौ।

१ कोरन्‍थी 1:7 Referans Kwoze

फिलिप्‍पी 3:20

महज हमसब त स्‍वरगके नागरिक चियै। मुक्‍ती दैबला हमरासबके परभु येसु खिरिस्‍ट स्‍वरगसे एतै कैहके हमसब ओकर बाट ताकैचियै।

२ पतरुस 3:12

तुसब परमेस्‍वरके नियाय करैबला दिनके बाट ताकैचिही, उ दिन झटसे आबे कैहके करैबला काम कर। उ दिन सारा अकास आइगसे भस्‍म हेतै आ ओते भेल सबचिज आइगके धाहसे गैलजेतै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

यहुदा 1:21

आपनके परमेस्‍वरके परेममे राख आ अनन्‍त जिबनके लेल अपनासबके परभु येसु खिरिस्‍टके किरपाके परतिक्‍छा कर।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

रोमी 8:19

परमेस्‍वर आपन बेटा-बेटीसबके परकट करैबला दिनके सारा सिरिस्‍टी भारी उतसुकताके साथ असियालछै।

लुका 17:30

मानबके बेटा परगट हैबला दिनमे ऐहनङे हेतौ।

१ पतरुस 5:4

जब परधान चरबाहा परगट हेतै, तब तुसब सबदिन चम्‍कैबला मुकुट पाबबिही जकर सोभा कहियो नै घटतौ।

१ पतरुस 1:13

अहै खातिर तोरासबके आपन मन तैयार राख, आत्‍म संयमी बन आ येसु खिरिस्‍ट आबै बखत तुसब पाबैबला अनुगरहमे पुरा आसा राख।

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

२ थेसलोनिकी 1:7

परमेस्‍वरमे दुख सहैबला तोरासबके आ हमरासबके छुटकारा देतौ। यि त तब हेतै, जब परभु येसु स्‍वरगसे धधकैत आइगमे आपन सक्‍तीसाली स्‍वरगदुतसबसङे परगट हेतै तब यि सब करतै।

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

कलस्‍सी 3:4

तोरासबके साँचोके जिबन त खिरिस्‍टे चियौ। जखैन उ परगट हेतौ तखैन तुसब ओकरे महिमामे परगट हेब्‍ही।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

लुका 12:36

तुसब ओइ नोकरसब जखा हो। मालिक बियाह भोजसे आइबके केबार ढकढकाइते मातर खोइल दैछै।

मतीके लिखल सुसमाचार 25:1

येसु कहल्‍कै, “स्‍वरगके राज एहेन चियै- दसटा कुमाइर कनिया आपन-आपन चिरखा ल्‍याके बरके भेटैले निकललै।

२ कोरन्‍थी 12:13

औरो मन्‍डलीके तुलनामे हम तोरासबके कोन बातमे नै निक बेबहार करलियौ? हँ, हम तोरासबके लेल बोझ नै भेलियौ। एह्‍या हमर गल्‍ती चियै, अइमे हमरा छमा कैरदे।

रोमी 8:23

सिरिस्‍टी करल चिज मातरे नै, अपनोसब भितरे भितर दुखसे कुहरैचियै। अपनासब परमेस्‍वरके परतिग्‍याके रुपमे पबितर आत्‍मा पाबनेचियै। ओहैसे अपनोसबके कहिया पुरा हकबला ओकर सन्‍तान बनेतै आ सब खराब बातसे अपनासबके देहके छुटकरा देतै कैहके असियाल चियै।

गलाती 5:5

महज हमसब खिरिस्‍टमे बिस्‍बास करलासे पबितर आत्‍मा अपनासबके परमेस्‍वरके अगा धरमी ठहरैबला आसाके बाट ताकैले लगाइतौ।