29 ताकि कोनो लोक परमेस्वरके अगा घमन्ड नै करे।
ओहेन छै त कथिके लेल घमन्ड करबै? घमन्ड करैबला बाते नै चियै। बेबस्था पालन कैरके लोक धरमी नै हैछै, महज खिरिस्टमे बिस्बास कैरके मातरे धरमी हैछै।
यि तोरासबके कामसे नै भेलछौ, नै त लोक घमन्ड करतियै।
के तोरासबके औरोसे बरका बनेल्कौ? कि तोरासबसङे जे छौ, उ परमेस्वर नै देल्कौ? यदि तुसब उ पाबनेचिही त, कथिले घमन्ड करैचिही?
ओहैसे पबितर धरमसास्तरमे एहेन लिखल छै, “जे लोक घमन्ड करतै, से लोक परभुमे घमन्ड करे।”
ओहैसे येसु खिरिस्टके कारन परमेस्वरके लेल हमर करल काममे हम गर्भ करैचियै।
बेबस्थाके बात त बेबस्थाके अधिनमे रहैबला लोकसबके लेल चियै कैहके हमरासबके थाहछै। ओहैसे परमेस्वर सन्सारके नियाय करैतखिना हम पाप नै करनेचियै कैहके बहाना बनाबे नै सक्तै।
तोरासबके करल घमन्ड ठिक नै छौ। कन्हिके खमिरसे सानल पुरे आँटाके खमिरा बनाइछै, कि से बात तोरासबके थाह नै छौ?
यदि असल काम कैरके अबराहम धरमी ठहरतियै त, उ घमन्ड करैले सकतियै। महज परमेस्वरके अगा ओकरा घमन्ड करैबला कोनो ठामे नै छै।
