१ कोरन्‍थी 1:27 - मध्‍य पुरविया थारू

²⁷ महज बुधिमानसबके लाजमे पारैके लेल परमेस्‍वर सन्‍सारके मुरुख बातसबके छानल्‍कै आ सक्‍तिसाली लोकसबके लाजमे पारैके लेल परमेस्‍वर सन्‍सारके निरबल बातसबके छानल्‍कै।

१ कोरन्‍थी 1:27 Referans Kwoze

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

मतीके लिखल सुसमाचार 11:25

ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।

१ कोरन्‍थी 1:20

बुधिमान लोक कते छै? धरमगुरु कते छै? अइ जुगके तरक-बितरक करैबला कते छै? कि परमेस्‍वर यि सन्‍सारके बुइधके मुरुख नै कैरदेल्‍कै?

लुका 21:15

कथिलेत हम तोरासबके एहेन सब्‍द आ बुधि देबौ, कि तोहर बिरोधीसब तोरासबके बात सुइनके एकोटाके जबाब दैले नै सक्‍तौ, ओकरौरके मुहमे तला लाइग जेतौ।

२ कोरन्‍थी 4:7

यि महान सक्‍ती हमरासबके नै महज परमेस्‍वरके चियै कैहके परस्‍ट करैके लेल यि धन माटीके बरतनमे अरथात अपनासबमे छै।

मतीके लिखल सुसमाचार 21:16

तब उसब येसुके कहल्‍कै, “कि अहाँ सुनैचियै, बच्‍चासब कथी कैहरहल छै?” येसु ओइसबके जबाफ देल्‍कै, “हँ, हम सुनैचियै। कि तुसब पबितर धरमसास्‍तरमे लिखल बात नै पढनेचिही? ‘बच्‍चासब आ दुधपिया बच्‍चासबके मुहसे अहाँके परसन्‍सा कराइले लगाइनेचियै?’”

२ कोरन्‍थी 10:10

कतहेक लोक कहैछै, “पावलके चिठीसब गम्‍भीर आ करा हैछै, महज उ आपने हैतकाल कमजोर हैछै आ ओकर बोली कोनो महत्‍वके नै हैछै।”

मतीके लिखल सुसमाचार 9:9

येसु ओतेसे जाइत खिना एक गोरा बटी उठाइबला मती नाम भेल लोकके बटी उठाइबलाके अडामे बैठल देखल्‍कै आ येसु ओकरा कहल्‍कै, “हमर पछा लाग।” तब उ उइठके ओकर पछा लाग्‍लै।

परेरित 17:18

ओते इपिक्‍युरी आ स्‍तोइकी दारसनिकमेसे कुछ पावल सङे बाद-बिबाद करै। उसब कतहेक गोरा कहल्‍कै, “यि बर-बरहा कथी कहैछै?” औरोकोइ कहल्‍कै, “भैरसक यि कोनो लबका देबि-देउताके परचार करैछै!” कथिलेत पावल येसुके बारेमे आ उ मरके जि उठल छै तै बातके परचार करैछेलै।

परेरित 7:54

स्‍तिफनसके बात सुइनके महासभामे बैठल लोकसब तामससे ओकरमे दाँत किरकिराबे लाग्‍लै।

परेरित 7:35

“यि ओह्‍या मोसा चियै, जकरा उसब ‘के तोरा हाकिम आ नियाय करैबला बनेल्‍कौ’ कैहके असुइकार करने रहै, ओकरा परमेस्‍वर ओहै झारमे स्‍वरगदुत सङे हाकिम आ छुटकारा दैबला बनाके पठाइल्‍कै।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 2:12

हमसब सन्‍सारके आत्‍मा नै, महज परमेस्‍वरके पबितर आत्‍मा पाबनेचियै, ताकि उ अपनासबके खुसिसे जे चिज देनेछै ओइके बुझैले सकी।