१ कोरन्‍थी 1:23 - मध्‍य पुरविया थारू

²³ महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

१ कोरन्‍थी 1:23 Referans Kwoze

१ कोरन्‍थी 2:14

जै लोकमे परमेस्‍वरके आत्‍मा नै छै, उ लोक परमेस्‍वरके आत्‍माके बातसबके गरहन नै करैछै। कथिलेत एहैन बातसब ओकरलेल मुरुख बात हैछै। एहैन बात त परमेस्‍वरके आत्‍मासे मातरे बुझैले सकैछै।

१ पतरुस 2:8

पबितर धरमसास्‍तर कहैछै, “एह्‍या पथल चियै जैमे लोकसबके ठेस लागैछै। एह्‍या चट्‍टान चियै जैमे लोकसब खसैछै।” कथिलेकी परमेस्‍वरके बचनमे बिस्‍बास नै करैबला ठेस लाग्‍तै कैहके तोकल छेलै।

१ कोरन्‍थी 2:2

हम तोरासबके लग रहैतखिना येसु खिरिस्‍ट आ कुरूसमे भेल ओकर बलिदान बाहेक किछो नै बोलैके पक्‍का करनेछेलियै।

गलाती 5:11

भाइ-भैयासब, यदि हम अखुन्‍तो खतना करैये परतौ कैहके परचार करैचियौ त कथिले हमरमे सताबट एलै? यि बात सँच रहतियै त कुरूसके बलिदानके परचारसे ककरो चित नै दुखतियै।

१ कोरन्‍थी 1:18

बिनास हैबला लोकसब कुरूसके समादके मुरुख बात ठानैछै, महज हमसब मुक्‍ती पाबैबलासबके लेल यि परमेस्‍वरके सक्‍ती चियै।

लुका 2:34

सिमियोन ओकरासबके आसिरबाद देल्‍कै आ ओकर माँ मरियमके कहल्‍कै, “देख, यि बालक इजराएलमे बहुतोके पतन आ उत्‍थानके लेल आ बहुत के बिरोधमे बोलैके एकटा चेन्‍हाके लेल नियुक्‍त करनेचियै।

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

मतीके लिखल सुसमाचार 13:57

ऐहेन कहैत लोकसब येसुके इन्‍कार करल्‍कै। तब येसु ओइसबके कहल्‍कै, “अगमबक्‍ताके सब दिसन आदर हैछै महज आपन कर-कुटुमबसबके बिचमे आ आपन घरमे आदर नै हैछै।”

मतीके लिखल सुसमाचार 11:6

उ धैनके चियै, जे हमर उपर सङका नै करैछै।”

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

गलाती 3:1

हे मुरुख गलातीके बिस्‍बासी लोकसब, तोरासबके के मोहनी लग्‍याके मोइह लेल्‍कौ? तोरेसबके आँखेके अगा येसु खिरिस्‍ट कुरूसमे टाङलगेल बात अस्‍पस्‍ट रुपसे कैहदेनेछेलौ।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

१ कोरन्‍थी 1:28

अइ सन्‍सारमे आपनके महान ठानैबलासबके बेरथ बनाबैके लेल परमेस्‍वर निच आ तुच्‍छ ठहरल लोकसबके चुनल्‍कै,

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।