Ululahu Timoti 6:12 - Buka Blahi Ka Cheke Holo

¹² Fariuriu fara nakarhamu ka khiloau gne mala au fakeli, jateula mae ihei te fariuriu chari te mala ulu ka fangenghele ia eghu. Ghaoghatho heta eigna iagho la hatahi nou taba u karha fei tifa na. God neke kilo nigho mala hata karha tuana. Eghuteuna iagho neke cheke thakleni nou fatutuani biꞌo eigna mae Kraes ke uludi kmana naikno te nomhini.

Ululahu Timoti 6:12 Referans Kwoze

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Ululahu Timoti 1:18

Uve thuguo Timoti, cheke te edi iara igre leghudi kolho nodi cheke hatimare mae profet teke cheke eimu iagho tifa ia. Iagho famane leghudi farirhiu igre mala togho nigho nei magridi eghu puhi diꞌa fateo ka nauthoglu igne.

Fapea Timoti 4:7

Ka nogna gloku blahi God na, iara neke hati nhetagu na jateula kaisei mae te mala chari ka fangenghele te biꞌo na ia eghu. Eghuteuna iara gognaro na thokehi ka narane mala gnafagna u fangenghele na te loku famaku teu iara nogu fatutuani gne.

Thakle 3:3

Eghume thosei ghatho ihodi famane cheke teke farirhiu mare ka ghotilo ra. Ghotilo famane leghu fakelidi, nei lilisei puhimi te diꞌare eghu. Nu jame te theome ghaoghatho fakeli ghotilo na, iara ginauna ari posa ka ghotilo. Ghotilo ginauna theome laseni niha nau na teke mei iara na, naugna iara ginauna mei jateula kaisei mae te mala mei blau ia eghu.

Ululahu Timoti 6:13

Ke ulugna God mae ihei teke tusu lao karha ka gobigna lepo fateote'o nei ke ulugna mae Jisas Kraes mae ihei teke theome mhaghu teke cheke thakleni nogna fatutuani biꞌo na ke ulugna mae Pontius Paelat, iara gognaro na cheke faheta ka iagho.

Ululahu Jone 2:25

Eghuteuna igne unha teke nhaꞌa chekeni thegna mae Kraes te mala tusu ranghi ghita tahati na, eigna u karha fei tifa.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Kolose 3:15

Eghuteuna snakreni nogna pharikeli Kraes na mala saghe leghudi gaoghathomire. Naugna God neke kilo ghami ghotilo mala au fodu jateula kaisei thini eghu ngala, nei u pharikeli igne tangomana te au balumi ghotilo. Eghuteuna leuleghu fata na ghotilo mala cheke fakelini God.

Ululahu Timoti 6:19

Ka puhi igne mare ginauna na salofodu maladi thedi dedei te heta fara malagna nathuꞌu nauriha. Eghuteuna mare ginauna tangomana te thokeni nakarha te thofno tutuani igne.

Profet Sekaraea 10:5

Mae igre ginauna na jateula mae nheta ka magra te tapla sorudi mae naoka re ke lamna chopu ra eghu. Eghuteuna naugna iara Lord na toghodi mare, mare ginauna uludi mae naoka re eghuteuna famamajadi iheire te chari ka hose.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Fapea Tesalonika 2:14

Ka Nonomho te Keli te mei toutonu ghehati igne, God neke kilo ghami ghotilo mala nogna naikno blahi mana. Jaola God neke kilo mei ghami ghotilo mala hatini u thofno nakarha te mei ka noda Lord Jisas Kraes.

Nodi Khoje Hatimare Mae Jiu 63:8

Gaoghathogure iara loku famaku ka iagho, eigna khame nhetamu iagho na loku famaku ghau iara.

Diutronomi 26:3

Eghuteuna ghotilo mala tei filoni pris mae ihei te loku ka narane tuana. Eghuteuna ghotilo cheke eghu ka mana, ‘Gognaro na, iara cheke ka Lord nogu God, eigna iara la meihi ka glose teke nhaꞌa cheke mana ka kuꞌeda ra.’

Profet Isaia 44:5

Eghuteuna keha naiknodi ka keha kantri are ginauna fatutuani ghau iara. Keha ka mare ginauna cheke eghu, ‘Iara nogna Lord.’ Eghuteuna kehare ginauna cheke eghu, ‘Iara vikegna Jekop.’ Eghuteuna kehare ginauna rioriso nanghagu iara na ka khamedire. Eghuteuna kehare ginauna kilodi thedi naiknodi Israel.”

Fapea Korin 9:13

Nomi gloku te keli ghotilo igre ginauna thakle ka naikno te kmanare, eghuteuna mare ginauna cheke fakelini God eigna nomi gloku na. Naugna ghotilo ne thofno leghuni nogna Nonomho te Keli Kraes te cheke eigna ghotilo na. Jaola mare ginauna cheke fakelini God naugna ghotilo neke toghodi mare nei toghodi fara keha naiknore.

Hibru 13:23

Iara magnahaghei ghami ghotilo te laseni mae kherada Timoti, mare la snakre fajiflani mana ka sosolo. Jame te mei faghose la mana na, ghepa ginauna na ari filo ghami ghotilo.

Fapea Korin 6:7

Ghehati tangomana te toutonuni u cheke te tutuani na, nei nogna nolaghi God na au ka ghehati. Ghehati tangomana te leghuni puhi te doglo ke ulugna God na, eigna tangomana te togho ghami ghehati te mala magrini mae naoka ka puhi te gnafa igre.

Famane Khoje 3:4

Nu theome raugha kate jifla kokoni iara mae greireghi igre, iara ne megeinga ne filoni kheragu na! Uve, iara loku famaku ne theome snakre teini, ne ghilei tathalei ne tei ka sugagna idogu na, ka nogna chogho ihei teke fakarhi ghau iara na.

Filipae 1:30

Eghume gognaro na ghotilo tangomana te kaisei balugu iara kau magra gne mala loku famakuni u Nonomho te Keli gne. U nafnata magra te filoni ghotilo ka iara te eni te mei ngala funu tifa igne, eghuteuna ghotilo lase ghau iara te heta ghegu teu ngala gognaro gne.

Ululahu Timoti 1:19

Iara magnahaghe nigho te loku maku fabrahu nou fatutuani ba ka gaoghathomu te keli. Keha naiknore theome eni igne. Eghuteuna nodi fatutuanire la diꞌahi.

Ululahu Timoti 4:14

Uve ghema Timoti, u khokofakasai te au ka iagho ana mala loku, theome mala fiti au kolho. God neke tusu ari ka iagho, kani teke cheke eimu iagho hatimare mae profet nei kani teke taofi nigho hatimare mae biꞌo ka khiloau ra.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.

Jajis 3:2

Mana eni igne, mala farirhiudi naiknodi Israel iheire teke theome magra tifa ra mala laseni magra na.