Ululahu Timoti 6:10 - Buka Blahi Ka Cheke Holo

¹⁰ Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Ululahu Timoti 6:10 Referans Kwoze

Proveb 1:19

Mae te magnahaghei hata nogna kmana glepo thegna ka puhi te diꞌa na, nafnata mae igne ginauna khale kau glehe.

Ululahu Timoti 6:9

Bligi fara ranghidi iheire te magnahaghei kolho dedei na te snoꞌo ka fariuriu na. Mare tangomana te tapla jafra ka nafnata glepo te fanoinoli ba glepo te diꞌa. Glepo igre tangomana te korho fadeleidi mare ghilei diꞌa fara nakarhadire, eghuteuna God ginauna na paradi fara.

Nodi Khoje Hatimare Mae Jiu 32:10

Naikno te diꞌare ginauna au papara fara ka nakarhadire, nu naikno te rouronu kolho ka Lord re, Lord ginauna na kokhonidi reireghi fakelidi.

Taetus 1:11

Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.

Proveb 1:31

Eghume, ghotilo ginauna hata taba te diꞌa eidi puhi te diꞌa te edi ghotilo ra.

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Profet Isaia 56:11

Mare jateula khuma te rofo fara, eghuteuna neuba mare ne ghamu, nu mare theome tangomana te boho na. Mae lida igre theome laseni puhigna Lord te keli na. Mare te gnafa na leghudi kolho gaoghathodi thedi te mala atha unha glepo te keli na.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Ululahu Timoti 3:3

Mana theome nafnata naikno te koꞌu fara are, ba te magnahaghei magra koba, ba te magnahaghei sileni fara. Nu mana mae mala au faleghu nei au kmu.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Profet Maeka 3:11

Ghotilo mae mala fate gre snakredi naiknore mala famaemahe ghami ghotilo ka sileni. Ghotilo mae pris gre jaola farirhiudi kolho nogna vetula God mala taba. Eghuteuna profet ra jaola rurutha gaoghathodi mifi igre, nu mala sileni kolho. Nu leuleghu fata na, ghotilo gaoghathomi na Lord ginauna reireghi ghami ghotilo fabrahu. Eghuteuna ghotilo cheke eghu, “Lord na au baluda. Eghume ginauna na theo kaisei puhi biꞌo nate thoke ghita.”

Profet Malakai 1:10

“Fanomho si ghotilo, igne nogna cheke Lord mae ihei te au nolaghi fateoteꞌo na, ‘Mae pris cheke eghu koba ka ghotilo, “Bobotho Sugablahi ana mala thosei tei ruma ghotilo mala fafara ke kligna olta.” Naugna iara theome kelitagu ka ghotilo, iara ginauna na tirogudi fafara te atha te mei ghotilo tuare.

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Jemes 5:19

Kheraguro, mae ihei tela tei kokonihi thofno chekegna God na, ghotilo ke toghoni mana mala ke pulo mei.

Ululahu Timoti 6:21

Keha naiknore la leghunihi puhi chaichaghi igne la jifla kokonihi khiloau na. Iara toreni nogna khokofakasai God mala au balumi ghotilo. Me gnafa. Iara, mae Pol.

Profet Esikiel 22:12

Ka namono igne, keha ka ghotilo hata sileni ka mae iheire te magnahaghei aknu falehe naikno. Eghuteuna ghotilo hata intres biꞌo ka kaoni teke tusu lao ghotilo ka kherami are, eghume ghotilo thofno dedei fara naugna ghotilo chaghidi kolho naiknore. Ghotilo la ghatho iho ghau iarahi. Igne nogu cheke iara Lord God.

Profet Esikiel 16:33

Mare foli keha vine mala thuru baludi, nu iagho folidi mae iheire te mei thuru balumu re! Iagho tusu lao namha ka mae te mei ka iagho igre, malagna teke mei kehai funudi ka namono te gnafa lithuimu iagho igre.

Profet Esikiel 13:19

Ghotilo goigonini kolho nanghagu iara na ka tathadi nogu naikno iara re, eghuteuna ghotilo hata katha gano kolho tabami ghotilo na. Ghotilo theome gnafa te chaghidi nogu naikno iara re, eghuteuna naiknore fatutuani ghami ghotilo kolho. Ghotilo jateula te aknu falehedi eghu naikno te theome mala lehe re, eghuteuna naikno te nabadi te lehe re, ghotilo tajidi kolho nakarhadi re.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Diutronomi 23:18

Thosei hata mei kaisei sileni jateula fafara teke nhaꞌa chekeni ka Lord nomi God na eghu, glahu neke hata mana sileni igne ka nogna gloku vine nalhaꞌu ba gaꞌase. Lord thofno tirognadi fara phei nafnata vinegna vido blahi na.

Jenesis 29:26

Mae Laban ne cheke eghu ka mae Jekop, “Theome nomi kastom ghehati agne te kulu tolaghi gaꞌase ke iko na ame ke tolaghi nga gaꞌase ke biꞌo na teu na.

Thakle 18:13

Mare jaola foifoli keha nafnata glepo te sisiri nonghari nei insens nei waen nei oel nei flaoa nei wit nei buluka nei sipu nei hose nei chariot nei naikno sneka. Nu gognaro naikno te foifoli glepo igre theome tangomanadi.

Fapea Kings 5:27

Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Jenesis 38:16

Aonu mae Juda ne lao ka naꞌa ne cheke eghu, “Iara magnahaghei te thuru balumu iagho.” Mana theome laseni ne thofno nanghogna thegna na ngala teuna. Gaꞌase na ne cheke eghu ka mana, “Uve, te mala thuru balugu iara teu iagho na, unha glepo gne nate kulu tusu mei iagho ka iara na?”

Jenesis 29:14

Mae Laban ne cheke eghu ka mana, “Tutuani fara, tapa gne kaisei dadara ngala.” Mae Jekop ne au balugna mana jare nabagna kaisei nhigra.

Josua 7:21

Ka teke magra tahati teke hata glepodi Jeriko ra, iara neke filoni kaisei famane pohe gna Babilonia, nei kaisei vido silva eghu, tahugna na jame phei kilo gram, nei kaisei vido gol, tahugna na jame kaisei vido kilo gram. Iara thono magnahaghedi fara glepo igre neke hata malagu thegu. Iara hata glepo igre neke titifuni lamna glose ka nogu suga tapuale na, baludi silva re pari lahu.”

Nodi Khoje Hatimare Mae Jiu 62:10

Thosei cheke eghu ka gaoghathomire, “Puhi te magra nei puhi te blau teugre ngala puhi keli fara, eigna tahati na dedei noda fara.” Eigna neubane dedei ghotilo ba ne fnakno ghotilo, u dedei nei nafnakno teu tuare ginauna theome fakarhi ghami ghotilo, eghume ghotilo thosei rouronu ka glepo igre eghu.

Proveb 15:27

Mae te khiri na atha mei puhi biꞌo ka thabuknagna na. Nu mae te tirogna fanomho ka ihei te mei cheke famaemaheni mana mala atha glepo ka mana teuna, mana ginauna karha.

Eklesiasti 2:19

Iara theome laseni glahu mae igne autagna gaoghatho te keli, ba kaisei mae fameomekro kolho. Mana ginauna funei frunidi gobigna lepo teke loku branadi iara ka nogu glalase na. Igne jaola theo nafugna ka gaoghathogu iara na.

Matiu 6:19

Mae Jisas ne cheke eghu, “Thosei salofodu malami themi dedei gna nauthoglu igne, naugna kokorosi nei kukuku eghu tangomana nate fadidiꞌa na. Eghuteuna mae te blaure tangomana te paꞌe suga na mala ruma blau.

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Nonomho Te Keli Teke Risoi Mae Mak 4:19

nu mare ngagudi fara eidi thua nafnata glepo re. Eghuteuna mare magnahaghei fara dedei gna nauthoglu igne nei mamagna di keha glepoi. Eghume farirhiu na theome tangomana te tughu nakarhagna mana na.

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Fapea Timoti 3:2

Ka narane tuare naiknore ginauna ghathodi thedi kolho, nei magnahaghei sileni fara. Mare ginauna fahaehaghe nei fabiꞌobiꞌo fara, eghuteuna mare ginauna cheke fadiꞌadi keha naiknore. Mare ginauna theome leghudi idodi ba kmadire. Naiknore ginauna theome tegio ka God ba theome nafnata naikno God te magnahagheni.

Jenesis 34:27

Kate aknu falehe te gnafa mae Simion ghe mae Livae mae nalhaꞌu gna namono na, keha thugna nalhaꞌu mae Jekop re ne tei ka namono na ne hata fateo glepo te keli gna namono na ne tei nodi. Igne ngala ke tughu fapulo gna mare u puhi te diꞌa teke eni mae Sekem ka gregadi na.

Ululahu Kings 2:40

mana tarabana nogna dongki na ne tei filodi phiamare jare. Eghuteuna mana hatadi phiamare neke pulo Jerusalem.