Ululahu Timoti 5:9 - Buka Blahi Ka Cheke Holo

⁹ Kaisei buka te mala riso soru nanghadi thau te lehe khetodire te mala totogho khiloau na. Iagho thosei riso soru nanghadi thau teke lehe khetodi te theome thokeni teu namno salei finogha na ba salaꞌui, ba teke phei fata tolaghi.

Ululahu Timoti 5:9 Referans Kwoze

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Ululahu Timoti 5:11

Nu iagho thosei riso soru nanghadi thau majaghani teu te lehe khetodire ka buka igne. Naugna ke leghugna te snakre laodihi thedi ka Kraes na, rehati au gaoghathodi fara ka nalhaꞌu ne ghatho ihoni nodi nhaꞌa cheke na neke tolaghi fapulo.

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Ululahu Timoti 3:12

Mae ihei te mala totogho ka khiloau na mala tolaghi ka kaisei gaꞌase ngala, eghuteuna mana mala reireghi fakelidi khetogna nei thugnare nei iheire te au ka nogna khora suga na.

Ululahu Timoti 5:16

Jame kaisei gaꞌase ka khiloau gne au thau teke lehe khetodire ka tharaknagna na, te keli na gaꞌase tuana mala toghodi. Ka puhi igne khiloau na tangomana te toghodi keha thau teke lehe khetodire, tulao iheire te au thedi kolho.

Levitikas 14:42

Mare mala atha keha thina majaghani mala ke tughudi te diꞌa te atha kokore, eghuteuna mare mala ke tughu plasta majaghani ka gringni igre.